شىعىس قازاقستان وبلىسىنىڭ التاي قالاسى كوروناۆيرۋس جۇقتىرعانداردىڭ سانى كوبەيۋىنە بايلانىستى كارانتينگە جابىلدى. بۇل تۋرالى شقو تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءباسپاسوز قىزمەتى ءمالىم ەتتى, دەپ حابارلايدى Egemen.kz.
دەپارتامەنت مالىمەتىنشە, التاي اۋداندىق باس سانيتارلىق دارىگەرى مىندەتىن اتقارۋشىنىڭ قاۋلىسى 15 قاراشا كۇنى كۇشىنە ەنگەن. قۇجاتتا التاي قالاسىنان شىعۋعا جانە كىرۋگە تىيىم سالىنعانى جانە سانيتارلىق پوستتاردىڭ جۇمىسىن قامتاماسىز ەتۋ تۋرالى جازىلعان.
قاۋلى بويىنشا كينوتەاترلار, مونشالار, ساۋنالار, باسسەيندەر, تەاترلار, مادەني نىساندار, كىتاپحانالار مەن مۋزەيلەردىڭ جۇمىسىنا تىيىم سالىندى.
سونداي-اق مەكتەپكە دەيىنگى مەكەمەلەردە جانە 1-4 سىنىپتاردا اتا-انالاردىڭ رۇقساتىمەن 15 بالادان اسپايتىن كەزەكشى سىنىپتاردى قۇرۋ قاجەتتىگى جازىلعان.
ەستەرىڭىزگە سالا كەتەيىك, شىعىس قازاقستان وبلىسىندا شەكتەۋ شارالارى 25 قاراشاعا دەيىن ۇزارتىلعان. بۇل ءوڭىر كوروناۆيرۋستىڭ تارالۋ قارقىنى بويىنشا "قىزىل ايماققا" ەنىپ وتىر.