الماتى قالاسىنىڭ سانيتارلىق-ەپيدەميالىق باسقارۋ دەپارتامەنتى جرۆي جۇقتىرۋدىڭ كۇرت وسكەنىن مالىمدەدى, دەپ حابارلايدى Egemen.kz
سانيتارلىق-ەپيدەميالىق جاعداي جرۆي جانە تۇماۋ سەكىلدى ماۋسىمدىق اۋرۋلاردىڭ ورشۋىنە بايلانىستى قيىنداعان. وتكەن جىلمەن سالىستىرعاندا ءجىتى رەسپيراتورلىق ۆيرۋستىق ينفەكتسيالارمەن اۋرۋلار 2,2 ەسە ارتقان.
"بارلىق توپتاعى ادامداردىڭ كوروناۆيرۋس جۇقتىرۋ دەڭگەيى ءوسىپ كەلە جاتقانى الاڭداتىپ وتىر. ناۋقاستاردىڭ سانى 22 قازاننان بەرى كۇرت ءوستى. كەيىنگى تاۋلىكتىڭ وزىندە كوروناۆيرۋس جۇقتىرعان 77 ادام انىقتالدى. بۇل ادامدار كوپشىلىك جينالاتىن ورىنداعى ەپيدەميالىق پروتسەستىڭ بەلسەندى بولۋىنا بايلانىستى. ەپيدەميالىق تەرگەۋ ناتيجەسىندە ۆيرۋس جۇقتىرۋدىڭ 53 پايىزى قوعامدىق كولىكتە, 23 پايىزى ءۇي جاعدايىندا, 17 پايىزى قوعامدىق پايدالانۋ ورىندارىندا بولاتىنى انىقتالدى", دەيدى ۆەدومستۆو وكىلدەرى.