ماسكەۋدە سوچيدەگى قىسقى وليمپيالىق ويىندارعا بيلەت ساتاتىن باستى ورتالىقتىڭ اشىلۋ سالتاناتى بولىپ ءوتتى. بۇل تۋرالى Vesti.ru حابارلادى.
ورتالىق وحوتنىي رياد كوشەسىندەگى «ماسكەۋ» گالەرەياسىنىڭ ءبىرىنشى قاباتىندا ورنالاسقان. ول جەردەن الدىن-الا تاپسىرىس بويىنشا نەمەسە جاقىندا ساتىلىمعا قويىلعان بيلەتتەردى ساتىپ الۋعا بولادى.
سالتاناتتى شاراعا 2010 جىلعى قىسقى ويىنداردىڭ قولا جۇلدەگەرى وكسانا دومينا قاتىستى.
ويىنداردىڭ رەكوردتىق مولشەرىنىڭ ارقاسىندا سوچيدەگى وليمپيالىق ويىنداردىڭ بيلەتتىك باعدارلاماسى قىسقى ويىندار تاريحىنداعى ەڭ اۋقىمدى باعدارلامالاردىڭ ءبىرى سانالادى. بيلەت ساتىلىمىنىڭ ءبىرىنشى كەزەڭى 2013 جىلعى 7 اقپاننان 31 مامىرعا دەيىنگى ارالىقتا جۇزەگە استى. ال 10 قازاننان باستاپ ينتەرنەت ارقىلى تاپسىرىس بەرۋ جۇيەسى جاڭارتىلدى. ەندى وليمپيالىق ويىنداردىڭ باستالۋىنا دەيىن بيلەتتەردى tickets.sochi2014.com رەسمي سايتى ارقىلى نەمەسە ماسكەۋ مەن سوچيدەگى باستى بيلەت ورتالىقتارىنان ساتىپ الۋعا بولادى.
ايدار ورىسباەۆ.
دەرەككوز: Vesti.ru