قازاقستان مەن وزبەكستان پرەزيدەنتتەرى ءارتۇرلى سالالارداعى ەكىجاقتى ىنتىماقتاستىقتىڭ دامۋىنا قاناعاتتاناتىندارىن ايتتى. اڭگىمەلەسۋ بارىسىندا جاقىن جىلدارى اتقارىلاتىن بىرلەسكەن جوبالار تالقىلاندى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىلارى ورتالىق ازياداعى احۋالدى تالقىلاۋ كەزىندە وڭىردەگى تۇراقتىلىق پەن قاۋىپسىزدىكتى قامتاماسىز ەتۋدە بىرلەسىپ جۇمىس ىستەۋگە ۋاعدالاستى. قازاقستان مەن وزبەكستان قىرعىز حالقىنا ەكونوميكالىق جانە گۋمانيتارلىق كومەك كورسەتەدى.
سونىمەن قاتار قاسىم-جومارت توقاەۆ پەن شاۆكات ميرزيوەۆ 10 قاراشا كۇنى رەسەيدىڭ توراعالىعىمەن وتكەن شانحاي ىنتىماقتاستىق ۇيىمى ءسامميتىنىڭ ناتيجەلەرىن جوعارى باعالادى.