«تولقىنعا» تويتارىس بەرىلەدى

– ستاتيستيكا بويىنشا قاراعاندى وبلىسىندا اۋىرعاندار سانى تاۋلىگىنە 15-20 ادامنان اسپايدى. ياعني ينفەكتسيا تارالۋىنىڭ ورتاشا كورسەتكىشى 1,11%-دى قۇرايدى. ستاتسيونارلارداعى توسەكتەردىڭ تولتىرىلۋى 4%-دان اسپايدى. دەگەنمەن ءبىز بۇكىل الەم بويىنشا جاع­دايدىڭ الاڭداتارلىق ەكەنىن كورىپ وتىر­عاندىقتان, ينفەكتسيانىڭ تارالۋىن بولدىرماۋ جانە الدىن الۋ بويىنشا بارلىق قاجەتتى شارانى قابىلدايمىز, – دەدى اكىم.

قازىرگى تاڭدا وڭىردە جەدەل ۆيرۋسو­لو­گيا­لىق زەرتتەۋگە ايرىقشا كوڭىل بولىن­گەن. بۇگىنگى تاڭدا وبلىستا جالپى قۋات­تى­­لىعى تاۋلىگىنە 8 مىڭ زەرتتەۋگە دەيىن جەتە­تىن 7 بىردەي پتر-زەرتحانا جۇمىس ىس­تەپ تۇر.

ناۋقاس ادامدى مۇمكىندىگىنشە ەرتەرەك انىقتاۋ, ونى وقشاۋلاۋ جانە ۇيدە سا­پالى ەمدەۋ ءۇشىن العاشقى مە­دي­تسي­نا­لىق كومەكتى كۇشەيتپەسە بولمايدى. وبلىس باسشىسى بۇل باعىتتا جۇمىستىڭ قارقىن العانىن ايتتى. مىسالى, بۇگىندە وڭىر­دە 288 ءموبيلدى ەمحانالىق بريگادا جۇمىس ىستەيدى. قوسىمشا 122 جەڭىل اۆتو­كولىك جانە 60 رەانيموبيل سا­تىپ الىنعان. سونىمەن قاتار جەدەل جار­دەم­نىڭ سانيتارلىق اۆتوكولىك پار­كى جىل سوڭىنا دەيىن تولىعىمەن جاڭار­تىل­ماقشى.

بۇدان بولەك بيىلعى كوكتەمنەن باس­تاپ ستاتسيونارلاردىڭ توسەكتىك ورىن قو­رى ەكى ەسەدەن اسىپ, 2 200-دەن 4 427 ورىنعا دەيىن ۇلعايتىلىپتى. بۇل جەر­دە تۇر­عىن­داردى جوسپارلى ەمدەۋگە جات­قى­زۋ جانە ەمدەۋدىڭ دە قاتار جۇرە­تى­نىن ايتا كەت­كەن ءلازىم.

ايرىقشا اتاپ وتەرلىگى, وبلىس ور­تا­­لى­­عىنان, ءىرى قالالاردان جىراقتا ورنا­لا­سقان ەلدى مەكەندەردە جۇمىس ىس­تەۋ ءۇشىن قاجەتتى قۇرىلعىلارمەن جاب­دىق­تالعان 9 جىل­جىمالى مەدي­تسي­نا­لىق كەشەن دايىن­دالعان. مۇنىڭ ءوزى اۋىلدا تۇراتىن اعا­يىن ءۇشىن ۇلكەن كومەك بولعالى تۇر.

بريفينگتە وبلىس اكىمى جەزقازعان قالا­سىندا 200 توسەكتىك ورىن جاڭا ءمو­دۋل­دى گوسپيتالدىڭ جۇمىس ىستەي باس­تا­عانىن اتاپ ءوتتى. جاڭا نىسان كومپيۋ­تەر­لىك توموگرافپەن, ساندىق رەنتگەن اپپاراتىمەن, مەديتسينالىق گازدار جۇيەسىمەن, ۋدز, ەكگ, ءوجج جانە باسقا دا قاجەتتى زاماناۋي مەديتسينالىق كەرەك-جاراق قۇ­رال­­دارىمەن جابدىقتالعان. سونىمەن قاتار ءساتىن سالسا, وسى اپتادا تەمىرتاۋدا 250 ورىندىق ينفەكتسيالىق ستاتسيونار اشىلادى. شاحتينسك قالاسىندا جۇق­پالى اۋرۋلار كورپۋسىن جوندەۋ دە اياق­تا­لىپ قالدى. جەلتوقسان ايىندا اباي قا­لاسىندا ينفەكتسيالىق بولىم­شە­نى جانە تەمىرتاۋدا پروۆيزورلىق بولىم­شە­­نى جوندەۋ جۇمىستارى ءبىتۋى ءتيىس دەپ جوس­پارلانعان.

سونداي-اق جاقىندا قاراعاندى مە­دي­­تسي­نالىق ۋنيۆەرسيتەتىنىڭ كاسىپتىك اۋرۋ­لار ينستيتۋتى عيماراتىندا 150 ورىندىق ينفەكتسيالىق-پروۆيزورلىق گوسپيتال اشىلدى. ال جالپى العاندا قارا­عاندى وبلىسىندا كوروناۆيرۋس ينفەكتسياسىن ەمدەۋگە ارنالعان توسەكتىك ورىن سانى 5,2 مىڭعا دەيىن جەتكىزىلمەك.

سونىمەن قاتار اۋرۋحانالارعا 223 وكپەنى جاساندى جەلدەتكىش ء(وجج) اپپاراتى, 2 500 وتتەگى كونتسەنتراتورى, 2 600 پۋلسوكسيمەتر, 40 ساندىق رەنتگەن سياقتى اپپاراتتار ساتىپ الىنىپتى. ورتالىقتاندىرىلعان مەديتسينالىق گاز بەرۋ جۇيەسى 25 گوسپيتالدە ورناتىلعان.

جەڭىس قاسىمبەك مەديتسينالىق كادر ما­سە­­لە­سىنىڭ دە بىرتە-بىرتە شەشىلىپ جات­قا­نىن تىلگە تيەك ەتتى. وڭىرلەرگە جۇ­مىس ىستەۋگە كەلگەن مەديتسينا قىزمەت­كەر­لە­رى­نە قىزمەتتىك تۇرعىن ءۇي بەرىلەدى. بيىل 120 پاتەر قامتاماسىز ەتىلسە, كەلەسى جىلى تاعى 400 پاتەر دا­يىن بولادى.

ايماقتا كوروناۆيرۋس ينفەكتسياسىن انىقتاۋعا دا ءجىتى كوڭىل بولىنەدى. قازىرگى ۋاقىتتا وبلىستاعى پتر-زەرتحانالاردىڭ جالپى قۋاتتىلىعى تاۋلىگىنە 8 مىڭ زەرتتەۋگە جەتەدى. تالداۋ ناتيجەلەرىن كۇتۋ ۋاقىتى ءبىر تاۋلىكتەن اسپايدى. وبلىس بويىنشا 18 كومپيۋتەرلىك توموگرافيا كابينەتى جۇمىس ىستەيدى ەكەن. تاعى 4 كومپيۋتەرلىك توموگراف شاحتينسك, بال­قاش, جەزقازعان جانە ساتباەۆ قالا­لا­رىندا جاڭادان ورناتىلعان.

وسى ايدىڭ سوڭىنا تامان بالقاش قالاسىندا پتر-زەرتحاناسىن اشۋ جوس­پاردا بار. ال جەزقازعان قالاسىندا وسىنداي مەديتسينالىق مەكەمەنىڭ وتكىزۋ قا­بىلەتى ۇلعايتىلادى. وسىلايشا بار­لىق زەرتحانانىڭ جالپى قۋاتى تاۋلى­گى­نە 10 مىڭنان اسا تەستىنى قۇرايدى.

ەكىنشى تولقىننىڭ ەكپىنىن باسۋ ءۇشىن ءدارى-دارمەك قورىنىڭ مول بولماعى اسا قاجەت-اق. ءوڭىر باسشىسى بۇل باعىتتا جۇ­مىستىڭ تياناقتى تۇردە جۇرگىزىلىپ جاتقانىن ايتتى. ياعني ەمحانالار مەن اۋرۋحانالاردى قاجەتتى پرەپاراتتارمەن قامتاماسىز ەتۋگە باسا ءمان بەرىلۋدە.

– اۋرۋحانالار, ەمحانالار مەن ءدارى­حا­­نالار ءۇشىن قاجەتتى ءدارى-دارمەك قورىن تولىقتىردىق. «سق – فارماتسيامەن» پرەپاراتتاردىڭ قوسىمشا مولشەرىنە وتىنىمدەر جاسالدى. قازىر ءدارى-دارمەكتىڭ ءۇش ايعا جەتەتىندەي قورى بار. ونىڭ ىشىندە ديسپانسەرلىك ەسەپتە تۇرعان بار­لىق پاتسيەنتتەر قاجەتتى ءدارى-دارمەك قو­رىن قاڭتار ايىن قوسقاندا ءۇش ايعا الاتىن بولادى, – دەدى ءوڭىر باسشىسى.

الداعى ۋاقىتتا ءدارىحانالاردا ساتۋ ءۇشىن قول­جەتىمدى باعامەن قوسىمشا «ازيت­­روميتسين», «دەكسامەتازون», «يبۋ­پ­روفەن», «لەۆوفلوكساتسين», «نادرو­پا­رين», «ريۆاروكسابان», «تسەف­ترياك­سون» سياقتى پرەپاراتتار سا­تىپ الىنادى. مۇنىڭ ءوزى سىرقات­تا­نۋ­شىلىق ماۋسى­مى جوعارىلاعان كەزدە ءدارى-دارمەك تاپشى­لى­عىنا بولدىرماۋعا مۇم­كىن­دىك بەرەدى.

جالپى, وبلىستا 1 ملرد تەڭگەگە ءدارى-دارمەكتىڭ تۇراقتاندىرۋ قورى قۇرىلعان ەكەن. 80 مىڭ قاپتاما ۆيرۋسقا قارسى پرەپاراتتار, 100 قاپتاما ىستىقتى تۇسى­رەتىن, 200 مىڭ قاپتاما باكتەرياعا قارسى پرەپاراتتار ساتىپ الىنعان. ءدارى-دارمەك­تىڭ بۇل كولەمى بولشەك ءدارىحانا جەلىسىندە ساتۋعا ارنالعان.

بريفينگتىڭ سوڭىندا وبلىس اكىمى تۇرعىنداردى بوساڭسىماي, ساني­تاريا ەرەجەلەرىن قاتاڭ ساقتاپ جۇرۋگە شا­قىردى. «وزدەرىڭىز بەن جاقىن­دا­رى­ڭىزدىڭ دەنساۋلىعىنا جاۋاپ­كەر­شىلىك­پەن قاراعاندارىڭىزدىڭ ءوزى دارىگەر­لەر قا­ۋىمىنا كورسەتكەن مىقتى قول­داۋ­لا­رى­ڭىز», دەدى جەڭىس قاسىمبەك.

قاراعاندى