ۇلىتاۋ وبلىسىنىڭ اكىمى داستان رىسپەكوۆ وڭتۇستىك كورەيانىڭ «Microbus» كومپانياسىنىڭ باس ديرەكتورىمەن كەزدەستى. كەزدەسۋ بارىسىندا ءوڭىر اۋماعىندا بىرقاتار ستراتەگيالىق ماڭىزى بار ينۆەستيتسيالىق جوبالاردى ىسكە اسىرۋ جوسپارلارى تانىستىرىلدى, دەپ حابارلايدى Egemen.kz.
«Microbus» – ونەركاسىپ جانە ينفراقۇرىلىم سالالارىندا جوبالار جۇزەگە اسىراتىن حالىقارالىق كومپانيا. كەلىسسوزدەر بارىسىندا تاراپتار ۇلىتاۋ وبلىسىندا مىس كابەلىن وندىرەتىن زاۋىت سالۋ, كولىك-لوگيستيكالىق ورتالىق قۇرۋ, سونداي-اق جىلۋ-ەنەرگەتيكالىق ورتالىقتىڭ قۇرىلىسىن جۇرگىزۋ مۇمكىندىكتەرىن جان-جاقتى قاراستىردى.
ۇسىنىلىپ وتىرعان جوبالار ءوڭىردىڭ وندىرىستىك الەۋەتىن ارتتىرۋعا, كولىك ينفراقۇرىلىمىن دامىتۋعا, ەنەرگيا رەسۋرستارىمەن تۇراقتى قامتاماسىز ەتۋگە جانە جاڭا جۇمىس ورىندارىن اشۋعا باعىتتالعان. سونىمەن قاتار, بۇل باستامالار وبلىستىڭ ينۆەستيتسيالىق تارتىمدىلىعىن كۇشەيتىپ, ەكونوميكانىڭ تۇراقتى دامۋىنا سەرپىن بەرەدى دەپ كۇتىلەدى.
كەزدەسۋ قورىتىندىسى بويىنشا ينۆەستورلار ۇلىتاۋ وبلىسىندا ءوز وكىلدىگىن اشىپ, جوبالاردى ءتيىمدى ىسكە اسىرۋ ماقساتىندا وبلىس اكىمدىگىمەن بىرلەسكەن جول كارتاسىن ازىرلەۋگە ۋاعدالاستى.
ءوڭىر باسشىسى شەتەلدىك سەرىكتەستەرگە تانىتقان قىزىعۋشىلىقتارى ءۇشىن العىس ءبىلدىرىپ, جوسپارلانعان جوبالاردى ىسكە اسىرۋ بارىسىندا جەرگىلىكتى اتقارۋشى ورگاندار تاراپىنان جان-جاقتى قولداۋ كورسەتىلەتىنىن اتاپ ءوتتى.