الماتى وبلىسىنىڭ تالعار اۋدانىندا ەرەكشە جارىس ءوتتى. بۇل جولى كوككە ءارتۇرلى ۇشۋ اپپاراتتارى سامعاپ, شەبەرلىك سايىسىنا قاتىستى. ياعني ايماقتاعى العاشقى دودا «JETİSÝ ەرون درون» دەگەن اتپەن ۇيىمداستىرىلىپ وتىر.
جالپى, بۇل جوبانىڭ ماقساتى جەتىسۋ جەرىنىڭ كيەلى جەرلەرىن ناسيحاتتاۋ ارقىلى ىشكى ءتۋريزىمنىڭ دامۋىنا قولداۋ كورسەتۋ ەكەن. ال تۇپكى نەگىزىنە اقپاراتتىق جانە تسيفرلى تەحنولوگيالار سالاسىنداعى جاستاردىڭ شەبەرلىكتەرىن شىڭداۋ, تسيفرلى ساۋاتتىلىقتى ءارى قازاقستاننىڭ الەمدىك اقپاراتتىق كەڭىستىكتەگى ءيميدجىن قالىپتاستىرۋ سياقتى ماعىنا جاتىر.
جاڭاشا مازمۇنداعى جارىستى الماتى وبلىسىنىڭ «رۋحاني جاڭعىرۋ» جوبالىق كەڭسەسى ۇيىمداستىرعان. جەتىسۋ توپىراعىندا تۇڭعىش رەت وتكەن جارىسقا رەسپۋبليكانىڭ ءار وڭىرىنەن جيىرمادان استام درون شەبەرلەرى قاتىستى. ولار ۇشۋ, كەدەرگىلەردى ەڭسەرۋ, ارنايى تاپسىرمانى ورىنداۋ سياقتى سايىس ەرەجەلەرىن ورىنداپ, ۇشۋ اپپاراتتارىن قانشالىقتى باسقارا الاتىندارىن دالەلدەدى. دروندار دوداسىنىڭ ناتيجەسىندە انىقتالعان ۇزدىك شەبەرلەرگە بەرىلىپ, باعالى سىيلىقتارمەن ماراپاتتالدى.
– الماتى وبلىسىنىڭ «رۋحاني جاڭعىرۋ» جوبالىق كەڭسەسى جەتىسۋدىڭ كيەلى جەرلەرىن ەل ىشىندە جانە شەت مەملەكەتتەردە ناسيحاتتاۋ ارقىلى ىشكى ءتۋريزمنىڭ دامۋىنا قولداۋ كورسەتۋدى باستادى. سوندىقتان روبوت تەحنيكاسى مەن پيلوتسىز ۇشۋ اپپاراتتارىن مەڭگەرۋدى دارىپتەۋ, تاجىريبە الماسۋ مەن جاستاردىڭ عىلىمي-زەرتتەۋ جۇمىستارىن قولداۋ ارقىلى ولاردىڭ كاسىبي دەڭگەيىن ارتتىرۋدى باستى ماقسات ەتىپ وتىر. بۇل وڭىردەگى جاستاردىڭ اقپاراتتىق جانە تسيفرلى تەحنولوگيالار سالاسىنداعى شەبەرلىگىن شىڭداۋ, تسيفرلى ساۋاتتىلىعىن ارتتىرۋ ءارى وتانىمىزدىڭ الەمدىك اقپاراتتىق كەڭىستىكتەگى ءيميدجىن قالىپتاستىرۋعا وڭ ىقپال ەتپەك. ءبىز العاش رەت وتكىزگەن «JETİSÝ ەرون درون» بايقاۋىنا قاتىسۋشىلار لەگى كوپ بولدى. بۇيىرسا, بۇل جوبانىڭ اۋقىمىن كەڭەيتىپ, ءداستۇرلى تۇردە وتكىزسەك دەگەن ويىمىز بار, – دەيدى يدەيا اۆتورى سامات جامانباەۆ.
الماتى وبلىسى