III قىتاي حالىقارالىق يمپورت كورمەسiندە قازاقستاندىق بيزنەس-پاۆيلوننىڭ اشىلۋ ءراسىمى ءوتتى. وعان قىتايدا اككرەديتتەلگەن ديپلوماتيالىق ميسسيالاردىڭ وكىلدەرى جانە ەلىمىزبەن ساۋدا-ەكونوميكالىق ىنتىماقتاستىقتى كەڭەيتۋگە مۇددەلى بىرقاتار قىتايلىق كومپانيالاردىڭ باسشىلارى قاتىستى.
ءىس-شارا بارىسىندا كازاقستان ەلشىسى عابيت قويشىباەۆ جانە «PwC China» كومپانياسىنىڭ باسقارما مۇشەسى-وڭىرلىك باسشى ەمي تساي العى ءسوز سويلەدى. سونىمەن قاتار, جينالعانداردىڭ نازارىنا قر ساۋدا جانە ينتەگراتسيا ءمينيسترى باقىت سۇلتانوۆتىڭ بەينە ۇندەۋى ۇسىنىلدى.
بيىل ەلىمىزدىڭ بيزنەس-پاۆيلونىندا تاماق ونەركاسىبى سالاسىندا قىزمەت ىستەيتىن 35 قازاقستاندىق كومپانيالاردىڭ ونىمدەرى (كونديتەرلىك ونىمدەر, مۇزداتىلعان سيىر ەتى, اس تۇزى, بيداي ۇنى, ماكارون ونىمدەرى, وسىمدىك مايلارى, ەت ونىمدەرى, بال, سۋسىندار, شاراپتار جانە ت.ب.), ونىڭ ىشىندە قر ساۋدا جانە ينتەگراتسيا مينيسترلىگى ىسكە قوسقان «ەكسپورتتىق اكسەلەراتسيا باعدارلاماسىنىڭ» 27 قاتىسۋشىسى, تانىستىرىلدى.