كارانتين ءتارتىبىن ءموبيلدى توپتار قاداعالاۋدا

ەرەجەلەردى ەلەمەي­تىن­دەردى پوليتسيا قىز­مەت­كەر­لەرى, ەرىكتىلەر, تاۋارلار مەن قىزمەتتەر ساپاسى مەن قاۋىپسىزدىگىن باقىلاۋ باس­قارماسى وكىلدەرى, اۋدان اكىمدىكتەرى انىقتايدى. كا­رانت­ين كەزىندە بەلگىلەنگەن جۇمىس كەستەسى مەن قاۋىپسىزدىك ەرەجەلەرىن ساقتاماۋ ءالى دە ءجيى كەزدەسەدى.

كەزەكتى رەيد بارىسىندا ءموبيلدى توپ 4 قاراشا كۇنى ساعات 01:36-دا جۇمىس ىستەپ تۇرعان Tequila بارىن انىق­تا­دى. بارعا 30 ادام كەلگەن.

سونداي-اق Flash كومپيۋتەر كلۋ­بىندا انتيسەپتيك, دەنە تەمپەراتۋراسىن ولشەۋگە ارنالعان تەرمومەتر جانە دە­زين­­فەكتسيالىق تو­سە­نىش بول­مادى. بۇدان باسقا دا زاڭ­بۇزۋ­شى­لىقتار انىق­تال­عان.

جينالعان ماتەريالدار پروتسەس­سۋالدىق شەشىم قا­بىل­داۋ ءۇشىن تاۋارلار مەن قىزمەتتەر ساپاسى مەن قا­ۋىپ­سىزدىگىن باقىلاۋ باس­قار­ما­سى­نا جىبەرىلدى.

بۇعان دەيىن حابارلان­عان­داي, 1 قاراشاداعى جاعداي بويىنشا اۋداندىق پوليتسيا باسقارمالارىنان 1 700-دەن استام ماتەريال تۇسكەن. 800-گە جۋىق جەكە جانە زاڭ­دى تۇلعالار اكىمشىلىك جاۋاپكەرشىلىككە تارتىلدى.