تۇركيانىڭ باتىسىنداعى 6,6 باللدىق جەر سىلكىنىسى قۇرباندارىنىڭ سانى 114 ادامعا جەتتى, دەپ حابارلايدى Egemen.kz انادولى اگەنتتىگىنە سىلتەمە جاساپ.
تۇركيا ۇكىمەتى جانىنداعى توتەنشە جاعدايلاردىڭ الدىن الۋ جانە جويۋ باسقارماسىنىڭ مالىمەتىنە سايكەس, 30 قازانداعى جويقىن جەر سىلكىنىسىنەن كەيىن تۇركيانىڭ باتىسىندا 1713 سوققى تىركەلدى.
زارداپ شەككەن 1035 ادامنىڭ 898-ءى اۋرۋحانالاردان شىعارىلدى, ءيزميردىڭ 137 تۇرعىنى ەم قابىلداۋدى جالعاستىرۋدا. ىزدەۋ-قۇتقارۋ جۇمىستارى قيراعان 17 تۇرعىن ءۇيدىڭ 15-ىندە اياقتالدى.