قيىن ومىرلىك جاعدايعا تاپ بولعان ەلوردا تۇرعىندارى بىلىكتى زاڭگەرلىك جانە پسيحولوگيالىق كومەك الا الادى. ول ءۇشىن نۇر-سۇلتاندا ۇكىمەتتىك ەمەس ۇيىمدار جۇمىس ىستەيدى, دەپ حابارلايدى اكىمدىكتىڭ رەسمي سايتى.
سونداي ۇەۇ-دىڭ ءبىرى - «رۋحاني قوعام الەمى» قوعامدىق قورى.
«ايەلدەر مەن جاسوسپىرىمدەر بىزگە وتباسىلىق ماسەلەلەر بويىنشا جۇگىنەدى. ولار كوبىنەسە جانجالدى جاعدايلاردى, تۇسىنبەۋشىلىكتەردى شەشۋدە كومەككە مۇقتاج. سونداي-اق ءبىزدىڭ پسيحولوگتار وتباسىلىق زورلىق-زومبىلىققا ۇشىراعان ادامدارمەن جۇمىس ىستەيدى. ولارمەن كونسۋلتاتسيالار كۋرسى وتكىزىلەدى, ياعني ءبىز ادامداردى داعدارىستىق جاعدايدان كەيىن پسيحولوگيالىق كۇيلەرى قالپىنا كەلگەنشە باسقارامىز. ءبىز سونداي-اق قۇقىقتىق قولداۋ كورسەتەمىز. بىزگە حابارلاسقاندارعا قۇقىقتىق كومەك اليمەنتتى تىركەۋ, نەكەنى بۇزۋ, م ۇلىكتى ءبولۋ جانە باسقا ماسەلەلەر بويىنشا كورسەتىلەدى», - دەدى قوردا.
2020 جىلدىڭ مامىرىنان قىركۇيەگىنە دەيىن ۇيىم 201 كەڭەس بەردى, ونىڭ 178-ءى پسيحولوگيالىق, 23-ءى زاڭ ماسەلەلەرىمەن بايلانىستى. +7 771 888 17 77 سەنىم تەلەفونى ىسكە قوسىلدى, وندا ءوتىنىش بەرۋشىلەر العاشقى كەڭەس الىپ, مامانداردىڭ قابىلداۋىنا جازىلا الادى.«قورعاۋ استانا» قورى دا وڭالتۋ باعىتىندا كومەك كورسەتەدى.
ء«بىز ادام ساۋداسىنىڭ قۇرباندارىمەن, قۇجاتسىز جانە ومىرلىك قيىن جاعدايعا تاپ بولعان ادامدارمەن جۇمىس ىستەيمىز. ولارعا اقىسىز قۇقىقتىق جانە پسيحولوگيالىق قولداۋ, الەۋمەتتىك قىزمەتكەردىڭ جانە ازىق-ت ۇلىك سەبەتتەرىمەن كومەك كورسەتەمىز. ءبىزدىڭ قور تىركەۋگە, قۇجاتتاردى تولىق قالپىنا كەلتىرۋگە كومەكتەسەدى. سونىمەن قاتار بىزدە وتباسىلىق زورلىق-زومبىلىق قۇرباندارى مەن ادام ساۋداسىنىڭ قۇرباندارى ءۇشىن باسپانا بار», - دەدى «قورعاۋ استانا» قورىنىڭ جەتەكشىسى اننا رىل.
بۇل ۇيىم ەلوردادا 2009 جىلدان بەرى جۇمىس ىستەيدى. قوردان جىل سايىن 500-گە جۋىق ادام كومەك الادى. ءسىز انىقتاما تەلەفونىنا حابارلاسۋىڭىزعا بولادى: 1409 نەمەسە كەلەسى نومىرلەر: +7 (7172) 30 60 73; +77028 929 777.
جالپى العاندا, نۇر-سۇلتاندا 20-عا جۋىق ۇەۇ بار, ولار تەگىن قۇقىقتىق, پسيحولوگيالىق جانە مەدياتسيالىق قولداۋ كورسەتەدى. ءتىزىم مەن بايلانىستار تومەندە كورسەتىلگەن.
ايتا كەتۋ كەرەك, بۇگىندە ەلوردادا 2 996 ۇكىمەتتىك ەمەس ۇيىم تىركەلگەن, بۇل قازاقستانداعى ۇەۇ جالپى سانىنىڭ 13,4% قۇرايدى.
نۇر-سۇلتان قالالىق ازاماتتىق باستامالار ورتالىعى يدەيانى جوباعا اينالدىرۋعا, ونى جۇزەگە اسىرۋعا, جۇزەگە اسىرۋعا اقپاراتتىق قىزمەتتەر كورسەتۋ, سونداي-اق زاڭگەرلىك جانە قارجىلىق كەڭەس بەرۋ ارقىلى كومەكتەسەدى.