مىسىر استاناسى كاير ورتالىعىندا تارتىپسىزدىكتەر ورىن الدى. بۇل تۋرالى مىسىر دەنساۋلىق ساقتاۋ مينيسترلىگىنىڭ اقپارىنا سىلتەمە جاساعان يتار تاسس حابارلادى.
وقيعا سالدارىنان ءبىر ادام قازا تاۋىپ, 50-دەن استامى جاراقات الدى. مەديكتەردىڭ ايتۋىنشا, قازا بولعان جاس جىگىتتىڭ باسىنا بىتىرا وعى تيگەن. ول العان جاراقاتتارىنان اۋرۋحانادا كوز جۇمدى.
كەشە مىسىر ەلى 2011 جىلعى قاراشا ايىندا ىشكى ىستەر مينيسترلىگى عيماراتىنىڭ الدىندا بولعان قاقتىعىستان قازا تاپقانداردى ەسكە الدى. ول قاقتىعىس 40-تان اسا ادامنىڭ ءومىرىن قيىپ كەتكەن ەدى. 19 قاراشا كۇنى ءتۇرلى ساياسي قوزعالىستار, ونىڭ ىشىندە «مۇسىلمان باۋىرلار» دا تاحرير الاڭىندا نارازىلىق اكتسياسىن ۇيىمداستىرماق بولعان. دەگەنمەن, كۇنى بويى كايردە تىنىشتىق ساقتالىپ تۇردى. بارلىق جەردە قاۋىپسىزدىك شارالارى كۇشەيتىلدى. الاڭنىڭ وزىنە دە حالىق از جينالعان ەدى. الايدا, كەشكە قاراي, مىسىردىڭ فۋتبولدان قۇراما كومانداسى الەم چەمپيوناتىنا ىرىكتەۋ ويىنىندا گانادان جەڭىلىس تاپقان سوڭ كاير ورتالىعىنا جاستار شوعىرلانا باستادى. ءىىم مالىمەتى بويىنشا, اشىنعان جاستار اراب مەملەكەتتەرى ليگاسىنىڭ شتاب-پاتەرىنە باسىپ كىرمەك بولعان. سونداي-اق ولار ءتارتىپ ساقشىلارىنا شابۋىل جاساپ, تاس لاقتىرعان. قاۋىپسىزدىك كۇشتەرى ءتارتىپ بۇزۋشىلارعا قارسى كوز جاساۋراتاتىن گاز قولدانىپ, ولاردى ىعىستىرۋ ءۇشىن بىتىرا وقتارىمەن اتقان ەكەن.
ايدار ورىسباەۆ.