2013 جىلعى 27 تامىز استانا, ۇكىمەت ءۇيى
قازاقستان رەسپۋبليكاسى قارجى مينيسترلىگىنىڭ كەيبىر ماسەلەلەرى تۋرالى
2013 جىلعى 27 تامىز استانا, ۇكىمەت ءۇيى
قازاقستان رەسپۋبليكاسى قارجى مينيسترلىگىنىڭ كەيبىر ماسەلەلەرى تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «قارجى جۇيەسى ورگاندارىنىڭ ماماندارىن دايارلاۋ, قايتا دايارلاۋ جانە بىلىكتىلىگىن ارتتىرۋ ورتالىعى» اكتسيونەرلىك قوعامى مەن «قارجى اكادەمياسى» اكتسيونەرلىك قوعامى بىرىگۋ جولىمەن جارعىلىق كاپيتالىنا مەملەكەت ءجۇز پايىز قاتىساتىن «قارجى اكادەمياسى» اكتسيونەرلىك قوعامى (بۇدان ءارى – قوعام) بولىپ قايتا ۇيىمداستىرىلسىن.
2. مىنالار:
1) قوعامعا قاتىستى ۋاكىلەتتى ورگان بولىپ قازاقستان رەسپۋبليكاسى قارجى مينيسترلىگى;
2) قوعام قىزمەتىنىڭ نەگىزگى ءمانى ءبىلىم بەرۋ قىزمەتىن ىسكە اسىرۋ, قارجى جۇيەسى ورگاندارى ماماندارىنىڭ بىلىكتىلىگىن ارتتىرۋ, سونداي-اق بۋحگالتەرلەردى كاسىبي سەرتيفيكاتتاۋ جونىندەگى قىزمەت بولىپ ايقىندالسىن.
3. قازاقستان رەسپۋبليكاسى قارجى مينيسترلىگىنىڭ مەملەكەتتىك م ۇلىك جانە جەكەشەلەندىرۋ كوميتەتى زاڭنامادا بەلگىلەنگەن تارتىپپەن:
1) قوعام جارعىسىنىڭ بەكىتىلۋىن;
2) قوعامنىڭ قازاقستان رەسپۋبليكاسىنىڭ ادىلەت ورگاندارىندا مەملەكەتتىك تىركەلۋىن;
3) وسى قاۋلىدان تۋىندايتىن وزگە دە شارالاردىڭ قابىلدانۋىن قامتاماسىز ەتسىن.
4. قوسا بەرىلىپ وتىرعان قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەر مەن تولىقتىرۋلار بەكىتىلسىن.
5. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 27 تامىزداعى № 867 قاۋلىسىمەن بەكىتىلگەن
قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن وزگەرىستەر مەن تولىقتىرۋلار
1. «اكتسيالاردىڭ مەملەكەتتىك پاكەتتەرىنە مەملەكەتتىك مەنشىكتىڭ تۇرلەرى جانە ۇيىمدارعا قاتىسۋدىڭ مەملەكەتتىك ۇلەستەرى تۋرالى» قازاقستان رەسپۋبليكاسى ۇكىمەتىنىڭ 1999 جىلعى 12 ساۋىردەگى № 405 قاۋلىسىندا (قازاقستان رەسپۋبليكاسىنىڭ ءپۇاج-ى, 1999 ج., № 13, 124-قۇجات):
كورسەتىلگەن قاۋلىمەن بەكىتىلگەن اكتسيالارىنىڭ مەملەكەتتىك پاكەتتەرى مەن ۇلەستەرى رەسپۋبليكالىق مەنشىككە جاتقىزىلعان اكتسيونەرلىك قوعامدار مەن شارۋاشىلىق سەرىكتەستىكتەردىڭ تىزبەسىندە:
«استانا ق.» دەگەن بولىمدە:
رەتتىك ءنومىرى 21-94-جول الىنىپ تاستالسىن;
مىناداي مازمۇنداعى رەتتىك ءنومىرى 21-161-جولمەن تولىقتىرىلسىن:
«21-161. «قارجى اكادەمياسى» اق».
2. «رەسپۋبليكالىق مەنشىكتەگى ۇيىمدار اكتسيالارىنىڭ مەملەكەتتىك پاكەتتەرى مەن مەملەكەتتىك ۇلەستەرىنە يەلىك ەتۋ جانە پايدالانۋ جونىندەگى قۇقىقتاردى بەرۋ تۋرالى» قازاقستان رەسپۋبليكاسى ۇكىمەتىنىڭ 1999 جىلعى 27 مامىرداعى № 659 قاۋلىسىندا:
كورسەتىلگەن قاۋلىمەن بەكىتىلگەن يەلىك ەتۋ جانە پايدالانۋ قۇقىعى سالالىق مينيسترلىكتەرگە, وزگە دە مەملەكەتتىك ورگاندارعا بەرىلەتىن رەسپۋبليكالىق مەنشىك ۇيىمدارىنداعى اكتسيالاردىڭ مەملەكەتتىك پاكەتتەرىنىڭ جانە قاتىسۋدىڭ مەملەكەتتىك ۇلەستەرىنىڭ تىزبەسىندە:
«قازاقستان رەسپۋبليكاسىنىڭ قارجى مينيسترلىگى» دەگەن بولىمدە:
رەتتىك ءنومىرى 217-10-جول الىنىپ تاستالسىن;
مىناداي مازمۇنداعى رەتتىك ءنومىرى 217-13-جولمەن تولىقتىرىلسىن:
«217-13. «قارجى اكادەمياسى» اق».
3. «قازاقستان رەسپۋبليكاسى قارجى مينيسترلىگىنىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2008 جىلعى 24 ساۋىردەگى № 387 قاۋلىسىندا (قازاقستان رەسپۋبليكاسىنىڭ ءپۇاج-ى, 2008 ج., № 22, 205-قۇجات):
كورسەتىلگەن قاۋلىمەن بەكىتىلگەن قازاقستان رەسپۋبليكاسى قارجى مينيسترلىگىنىڭ جانە ونىڭ ۆەدومستۆولارىنىڭ قاراماعىنداعى ۇيىمداردىڭ تىزبەسىندە:
«قارجى جۇيەسى ورگاندارىنىڭ ماماندارىن دايارلاۋ, قايتا دايارلاۋ جانە بىلىكتىلىگىن ارتتىرۋ ورتالىعى» اكتسيونەرلىك قوعامى» دەگەن 2-تارماق الىنىپ تاستالسىن;
مىناداي مازمۇنداعى 5-تارماقپەن تولىقتىرىلسىن:
«5. «قارجى اكادەمياسى» اكتسيونەرلىك قوعامى».