ءموبيلدى قوسىمشاداعى قولايسىز جاعداي

قازاننىڭ 28-ءى كۇنى تاڭەر­تەڭ­نەن باستاپ اتالعان قوسىم­شادان اۋىتقۋلار بايقالىپ, ىلە-شالا ونىڭ قىزمەتى ۋا­قى­ت­شا قولجەتىمسىز بولدى. بانك كليەنتتەرىنىڭ ەسەپ­شو­تىن­­داعى قارجىسىنىڭ دۇ­رىس كورسەتىلمەۋى ءتۇرلى الىپ­قاشپا اڭ­گىمەگە جەتەلەدى. ءبىرىنىڭ قار­جىسى كەمىپ, ءتىپتى مينۋسقا كىرىپ كەتسە, ەندى ءبىرى ەسەبىنىڭ ەسە­­­لەنىپ كەتكەنىن ايتىپ جاتتى.

بانك قوسىمشاسىنداعى بۇل بەي-بەرەكەت كيبەرشابۋىلدىڭ كەسىرىنەن بولدى دەپ باعام­دا­عاندار دا كوپ كەزدەستى. الەۋ­مەتتىك جەلىدە حاكەرلەردىڭ كليەنت­­تەردىڭ كارتاسىنان 79 ملن تەڭگە توناعانى تۋرالى حابار تارادى. الايدا كوپ ۇزاماي بانك وكىلدەرى مۇنداي فاكتىنى جوق­­قا شىعارىپ, تەحنيكالىق اقاۋ بولعانىن, كليەنتتەردىڭ اقشا­سى ساقتالاتىنىن مالىم­دەدى.

«28 قازان كۇنى Kaspi.kz قوسىمشاسىندا تەحنيكالىق اقاۋ تۋىندادى. ناتيجەسىندە, كليەنتتەردىڭ شوتتارىنداعى قارجى كولەمىن قاتە كورسەتۋدە. وكىنىشكە قاراي, كارتامەن تولەم جاساۋ, بانكوماتتاردان اقشا شەشۋ, تولىقتىرۋ, تو­لەم­­دەر مەن اۋدارىمدار ۋا­قىتشا قولجەتىمسىز. كوم­پا­­نيا بار­لىعىن تەز ارادا قا­لىپقا كەل­تىرۋ ءۇشىن جۇمىس ىس­تەۋدە. الەۋ­مەتتىك جەلىلەر مەن مەسسەندجەر­لەردە مۇنىڭ كي­بەرشابۋىل ەكەنى تۋرا­لى جالعان اقپارات تارادى. ەش­قانداي كيبەر­شابۋىل بولما­عانىن حابارلايمىز, كليەنت­تەردىڭ قاراجاتى تۇگەل­دەي ءوز قال­پىندا جانە اقاۋ رەتكە كەل­­تىرىلگەننەن كەيىن قوسىم­شادا دۇرىس كورسەتىلەدى», دەدى اتالعان بانكتىڭ ءباسپاسوز حاتشىسى ەربول ازانبەك.

راسىندا, كوپ ۇزاماي قوسىم­شانىڭ قىزمەتى قالپىنا كەل­دى. بىراق ءبارىبىر سىر بەرگەن جۇيەدەن سەكەم الىپ قالعاندار بانكتەگى ەسەپشوتىنىڭ قاۋىپ­سىز­­دىگىنە الاڭداۋشىلىق ءبىلدى­رىپ جاتىر. شي شىققان سول شا­ما­لى ۋاقىتتا حالىق شۋلاپ كەتىپ, ءبىراز فەيك اقپاراتتار دا تاراپ ۇلگەردى. قوسىمشاداعى ىركى­لىسكە قاتىستى ءازىل-شىنى ارا­لاس اڭگىمەلەر الەۋمەتتىك جەلى­نىڭ سول كۇنگى تاقىرىبىنا اينالدى.

بانك وكىلدەرى ورىن العان بۇل ولقىلىق ءۇشىن كەشىرىپ سۇراپ, 29 قازان مەن 4 قاراشا ارالىعىندا Kaspi QR ارقىلى جاسالعان ءاربىر تولەم ءۇشىن 5% بونۋس سىيلايتىنىن حابارلادى.