وڭىرگە چەح رەسپۋبليكاسىنىڭ وكىلەتتى جانە توتەنشە ەلشىسى باستاعان دەلەگاتسيا قۇرامى كەلدى. وبلىس اكىمىدىگىندە دەلەگاتسيا قۇرامىن وبلىس اكىمى عالي ەسقاليەۆ قابىلدادى, دەپ حابارلايدى Egemen.kz.
كەزدەسۋگە وبلىستىق كاسىپكەرلىك باسقارماسىنىڭ, "Aqjaiyq" الەۋمەتتىك-كاسىپكەرلىك كورپوراتسياسى" اق, "قازاق ينۆەست" ۇك" اق, وبلىستىق كاسىپكەرلىك جانە يندۋستريالدىق-يننوۆاتسيالىق دامۋ باسقارماسى باسشىلارى دا قاتىستى.
وبلىس اكىمى سوزىندە گيكل مىرزانىڭ پاندەميادان كەيىن العاشقى بولىپ وڭىرگە اتباسىن بۇرعاندىعىن اتاپ ءوتتى.
"بىزدە جاز ايلارىندا كوپتەگەن ەلدەرمەن كەزدەسۋلەر اپتاسىن جوسپارلاعان بولاتىنبىز. ونىڭ ىشىندە چەح رەسپۋبليكاسىنىڭ دا اپتاسى بار. باستى يدەيا مەملەكەتتەر اراسىنداعى قارىم-قاتىناستى نىعايتۋ, بيزنەس بايلانىستى دامىتا ءتۇسۋ, مادەني, ەكونوميكالىق باعىتتا كورمەلەر ۇيىمداستىرۋدان تۋىنداعان ەدى. وكىنىشكە وراي اتالمىش جۇمىستاردى جۇزەگە اسىرۋ كەلەر جىلدىڭ ەنشىسىندە قالىپ وتىر", - دەدى ءوڭىر باسشىسى.
"باتىس قازاقستان وبلىسى ەۋروپاعا جاقىن ءوڭىر. سونىمەن قاتار, ايماققا رەسەي فەدەراتسياسىنىڭ ءىرى قالالارى جاقىن ورنالاسقان. كاسپي تەڭىزى ارقىلى تاياۋ شىعىسقا شىعۋ مۇمكىندىگى بار. سول سەبەپتى ءبىزدىڭ ءوڭىردىڭ الەۋەتى جوعارى", - دەدى وبلىس باسشىسى.
ورال قالاسىنىڭ اۋەجايى جاڭارتىلۋدا. مۇنىڭ قازاقستان بويىنشا جولاۋشىلار تاسىمالى مەن حالىقارالىق جۇك تاسىمالىندا ەرەكشە ماڭىزى بار.
وبلىس اكىمى بۇگىنگى تاڭدا ايماقتا چەح كاپيتالدىڭ قاتىسىمەن 6 كومپانيا جۇمىس جاسايتىندىعىن اتاپ ءوتتى.
چەح رەسپۋبليكاسىنىڭ قازاقستانداعى ەلشىسى ر.گيكل مىرزا وبلىس اكىمىنە العىسىن ءبىلدىرىپ, ەكى ەل اراسىنداعى ىنتىماقتاستىق ارتا بەرەتىندىگىنە سەنىم ءبىلدىردى.
ء"بىزدىڭ كومپانيالار بقو-دا بىرنەشە جىلدان بەرى جۇمىس جاساپ كەلەدى. اقساي قالاسىنداعى "چەح قالاشىعىنىڭ" تاريحى دا ەرەكشە. ەنەرگەتيكا سالاسىنا زامانۋي قوندىرعىلار ورناتۋ جۇمىستارى دا جۇرگىزىلۋدە", - دەدى ر.گيكل مىرزا.
سونىمەن قاتار چەحتىك كومپانيالاردىڭ اۋىل شارۋاشىلىعى سالاسىنا قىزىعۋشىلىعىنىڭ زور ەكەندىگىنە دە توقتالدى.
"بۇل باعىتتا اگروحيميالىق ونىمدەردى قولدانۋ جۇمىستى دامىتا تۇسپەك. بقو-دا اۋىلشارۋاشىلىعى جىلىجايلارىن دامىتۋ جوسپاردا بار.
ءبىز جىل سايىن قازاقستان كاسىپكەرلەرىمەن بىرلەسە بيزنەس جوسپارلارىمىزدى جۇزەگە اسىرىپ كەلەمىز. بۇل باعىتتا كورمەلەر ۇيىمداستىرىلۋدا. سونىمەن قاتار اۋەجايلارعا قوندىرعالار اكەلۋدى دە جوسپارلاپ وتىرمىز", - دەدى ر.گيكل مىرزا.
ەلشى مىرزا م.وتەمىسوۆ اتىنداعى باتىس قازاقستان ۋنيۆەرسيتەتىندە بولىپ, وقىتۋشىلارمەن ءوزارا ينكليۋزيۆتى ءبىلىم بەرۋ بەرۋدە تاجىريبە ال الماسۋعا مۇمكىندىك بار ەكەندىگىن ايتتى.
كەزدەسۋ بارىسىندا دەلەگاتسيا قۇرامىنا بقو-نىڭ ينۆەستيتسيالىق الەۋەتى جونىندە پرەزەنتاتسيا كورسەتىلدى.
وبلىس اكىمى ر.گيكل مىرزاعا راقمەتىن ايتىپ, بيزنەس جوسپارلاردى جۇزەگە اسىرۋدا ەكى ەل كاسىپكەرلەرى بىرلەسە جۇمىستانا بەرەتىندىگىن جەتكىزدى.
ءبىز ينۆەستيتسيا تارتۋ ىسىندە تىڭ جوبالاردى بىرلەسە اتقارۋعا ءازىرمىز. بيزنەس مىقتى بولسا, ەلدىڭ الەۋەتى دە كوتەرىلەدى. ءبىلىم مەن مادەنيەتتە دە دامۋ قارقىن الادى. باستىسى, ءوزارا قارىم-قاتىناس نىعايا ءتۇسسىن! – دەدى وبلىس اكىمى.
ايتا كەتۋ كەرەك, ساپار بارىسىندا دەلەگاتسيا قۇرامى كپو ب. ۆ., اقساي قالاسىنداعى "Czech Camp" كومپانياسىنا, وبلىستىق تاريحي-ولكەتانۋ مۋزەيىنە باردى.