كەشە «قازمەديا ورتالىعىندا» قازاقستاننىڭ ورتالىق كوممۋنيكاتسيالىق قىزمەتىنىڭ ۇيىمداستىرۋىمەن ەلىمىزدە جۇرگىزىلىپ جاتقان اكىمشىلىك رەفورمالارعا بايلانىستى بريفينگ ءوتتى.
كەشە «قازمەديا ورتالىعىندا» قازاقستاننىڭ ورتالىق كوممۋنيكاتسيالىق قىزمەتىنىڭ ۇيىمداستىرۋىمەن ەلىمىزدە جۇرگىزىلىپ جاتقان اكىمشىلىك رەفورمالارعا بايلانىستى بريفينگ ءوتتى.
وعان پرەزيدەنت اكىمشىلىگى باسشىسىنىڭ ورىنباسارى عابيدوللا ءابدىراحيموۆ پەن مەملەكەتتىك قىزمەت ىستەرى جونىندەگى اگەنتتىك توراعاسى ءاليحان بايمەنوۆ قاتىسىپ, «اكىمشىلىك رەفورمالار جانە جەرگىلىكتى ءوزىن ءوزى باسقارۋ رەفورماسى – 2013. الدىن الا قورىتىندىلار» اتتى تاقىرىپتا بايانداما جاسادى.
بريفينگتە وسى ماسەلە بويىنشا الدىمەن ع.ءابدىراحيموۆ ءسوز الىپ, بيىلعى اكىمشىلىك رەفورمالاردىڭ جۇمىسىنا ءوز باعاسىن بەردى. وندا ول بيىل ەلباسى ن.نازارباەۆتىڭ باستاماسىمەن اكىمشىلىك رەفورمالاردى ساپالى جانە ءتيىستى دەڭگەيدە جۇرگىزۋ ماقساتىندا كوپتەگەن ءىس-شارالاردىڭ اتقارىلعانىن, سونىڭ ىشىندەگى ەڭ ماڭىزدىسى «ا» كورپۋسىنا مەملەكەتتىك قىزمەتكەرلەردى ىرىكتەۋ مەن اۋىل اكىمدەرىن سايلاۋدىڭ بولعانىن اتاپ ءوتتى. سونىمەن بىرگە, ول جەرگىلىكتى باسقارۋ ورگاندارىن جەتىلدىرۋ ماقساتىندا ىستەلگەن جۇمىستاردىڭ ماڭىزدىلىعىن دا اتادى.
«بيىل «ا» كورپۋسىنا ءوتۋ ءۇشىن كونكۋرسقا 2024 ۇمىتكەر قۇجات تاپسىرسا, قازىر سونىڭ 940-ى كادر رەزەرۆىنە قابىلداندى. ال جالپى قازىر «ا» كورپۋسى 539 لاۋازىمدى قامتيدى. بيىلعى كونكۋرستا كادر رەزەرۆىنە الىنعان كانديداتتار تەستىلەۋ جانە اڭگىمەلەسۋ سياقتى ەكى كەزەڭنەن تۇراتىن ىرىكتەۋدەن ءوتتى. ولار قازاقستان رەسپۋبليكاسىنىڭ زاڭناماسى, مەملەكەتتىك ءتىلدى ءبىلۋ, لوگيكالىق كاسىبي قۇزىرەتتىلىك بويىنشا تەست تاپسىردى», – دەدى ول. سونداي-اق, ع.ءابدىراحيموۆ بيىلعى ىرىكتەۋدەن وتكەن ادامداردىڭ اراسىندا بيزنەسپەن اينالىسقان ازاماتتاردىڭ دا بار ەكەنىن, ال جالپى كونكۋرستىڭ ناتيجەسىندە «ا» كورپۋسى 30 پايىزعا جاڭارعانىن ايتتى.
كەزدەسۋدە اۋىل اكىمدەرىن سايلاۋعا بايلانىستى دا پرەزيدەنت اكىمشىلىگى باسشىسىنىڭ ورىنباسارى ءبىراز مالىمەتتەر كەلتىردى. وندا ول اۋىل اكىمدەرىن سايلاۋدىڭ ءوزى دەموكراتيالىق سىناق بولعانىن اتاپ ءوتتى. وسى جەردە ع.ءابدىراحيموۆ سايلاۋدىڭ ناتيجەسىندە اۋىل اكىمدەرىنىڭ ءبىلىمى, بىلىكتىلىگى وسكەنىن, بۇرىن 100-دەن استام اۋىل اكىمدەرىنىڭ ساياسي ءبىلىمى بولماسا, قازىر سايلانعان اكىمدەردىڭ بارلىعىنا ساياسي ساۋاتتى, ءبىلىمدى, تاجىريبەلى, ىسكەر دەگەن باعاسىن بەردى. سونىمەن بىرگە, ول جاڭا سايلانعان اكىمدەرگە مەملەكەت تاراپىنان تالاپتىڭ دا كۇشەيتىلەتىنىن جەتكىزدى. وسىعان بايلانىستى ع.ءابدىراحيموۆ وبلىس اكىمدەرى حالىق الدىندا جىلىنا ءبىر رەت ەسەپ بەرسە, اۋدان اكىمدەرى ەكى رەت, ال اۋىل اكىمدەرى ءتورت رەت ەسەپ بەرەتىنىن ايتتى. مۇندا ول اكىمدەردىڭ توقسان سايىن ەسەپ بەرۋى اۋىلدىق جەردە جولداردىڭ سالىنۋىنا, مەكتەپتەر مەن اۋرۋحانالاردىڭ قۇرىلىسىنا, باسقا دا الەۋمەتتىك نىسانداردىڭ جۇمىسىنا اكىمنىڭ دەر كەزىندە حالىق الدىندا جاۋاپ بەرۋى ءۇشىن جاسالعانىمەن ءتۇسىندىردى.
وسىدان كەيىن كەزدەسۋدە مەملەكەتتiك قىزمەت iستەرi جونىندەگى اگەنتتiكتiڭ توراعاسى ءاليحان بايمەنوۆ ەلىمىزدە مەملەكەتتىك قىزمەتتىڭ ساپاسىن ارتتىرۋ بويىنشا ەلباسى ن.نازارباەۆتىڭ تاپسىرماسىمەن جۇمىستار ىستەلىپ جاتقانىن, وسىنىڭ ناتيجەسىندە بيىل مەملەكەتتiك قىزمەتتە «كوماندالىق كوشiپ-قونۋ» 40-50 ەسە ازايعانىن مالىمدەدى.
– كونكۋرستاردىڭ ءرولiن ارتتىرۋ ءۇشiن پرەزيدەنتتiڭ تاپسىرماسى بويىنشا, اۋىسىم تارتiبiمەن تاعايىنداۋ, كوماندالىق دەپ اتالاتىن كوشiپ-قونۋدى ازايتۋ جاڭا زاڭنامامەن جۇزەگە اسا باستادى. ناتيجەسiندە, ەگەر بىلتىر توقسان سايىن 3,5 مىڭ ادام بiر مەملەكەتتiك ورگاننان ەكiنشi مەملەكەتتiك ورگانعا اۋىسىممەن تاعايىندالىپ جۇرسە, جاڭا زاڭ كۇشiنە ەنگەننەن كەيiن ورتا ەسەپپەن ءار توقساندا 70-80 ادام تاعايىندالاتىن بولدى, – دەدى ول.
سونىمەن بىرگە, ول بريفينگتە جاقىندا ماسكەۋگە بارىپ, رەسەيدiڭ مەملەكەتتiك قىزمەت اكادەمياسىندا ماگيسترانتتار مەن دوكتورانتتارعا ەلىمىزدىڭ مەملەكەتتiك قىزمەت ۇلگiسi جونiندە ءدارiس وقىپ, ارنايى سەمينار وتكiزگەنىن اتاپ ءوتتى. وسى لەكتسيالاردا ءا.بايمەنوۆ رەسەيدiڭ جەتەكشi ساراپشىلارىنىڭ «ا» كورپۋسى جانە باسقا دا جاڭالىقتارىمىز تۋرالى ءالى بىلمەيتىنىن ايتىپ, ءبىزدىڭ رەفورمالارىمىزعا ۇلكەن قىزىعۋشىلىق تانىتقانىن جەتكىزدى.
– رەسەيدiڭ جەتەكشi ساراپشىلارى بiزدiڭ رەفورمالارعا ۇلكەن قىزىعۋشىلىق تانىتتى. ولار وسىنىڭ ءبارى ەلباسىنىڭ ساياسي باستاماسىمەن جۇزەگە اسقانىن مويىنداپ وتىر. كەزدەسۋدە رەسەيلىكتەر مەن قازاقستاندىق مەملەكەتتiك قىزمەت ۇلگiسi نەسiمەن ەرەكشەلەنەدi دەگەندە, ەڭ الدىمەن, «ا» كورپۋسى تۋرالى ايتىپ بەردىم. ودان دا باسقا جاڭالىقتاردى ايتتىم, – دەدi ول.
داستان كەنجالين,
«ەگەمەن قازاقستان».