قازاقستان حالقى اسسامبلەياسىنىڭ حالىقارالىق مەديا-فورۋمى اياسىندا مادەنيەت جانە اقپارات مينيسترلىگى ەتنوجۋرناليستيكا سالاسىنداعى «شاڭىراق» شىعارماشىلىق كونكۋرسىنىڭ قورىتىندىسىن شىعاردى.
قازاقستان حالقى اسسامبلەياسىنىڭ حالىقارالىق مەديا-فورۋمى اياسىندا مادەنيەت جانە اقپارات مينيسترلىگى ەتنوجۋرناليستيكا سالاسىنداعى «شاڭىراق» شىعارماشىلىق كونكۋرسىنىڭ قورىتىندىسىن شىعاردى.
شاراعا قازاقستان حالقى اسسامبلەياسى توراعاسىنىڭ ورىنباسارى – قازاقستان حالقى اسسامبلەياسى حاتشىلىعىنىڭ مەڭگەرۋشىسى ەرالى توعجانوۆ, پارلامەنت سەناتى مەن ءماجىلىسىنىڭ دەپۋتاتتارى, جۋرناليستەر, ەتنومادەني بىرلەستىكتەر وكىلدەرى قاتىستى.
بيىل «شاڭىراق» بايقاۋى بەس نوميناتسيا بويىنشا وتكىزىلدى: قازاقستان قوعامىندا ەتنوسارالىق كەلىسىمدى نىعايتۋعا باعىتتالعان ءۇزدىك ماقالالار, تەلە جانە راديوباعدارلامالار; قازاقستاندىق پاتريوتيزمدى نىعايتۋداعى مەملەكەتتىك رامىزدەردىڭ ءرولىن كورسەتكەن ۇزدىك ماقالالار, تەلە- جانە راديوباعدارلامالار; قازاقستان حالقى اسسامبلەياسىنىڭ قىزمەتىن ءتۇسىندىرۋ بويىنشا ۇزدىك ماقالالار, تەلە- جانە راديوباعدارلامالار; قازاقستاندىق ەتنوستاردىڭ مادەنيەتتەرى مەن ءداستۇرلەرىن دامىتۋعا باعىتتالعان ۇزدىك ماقالالار, تەلە- جانە راديوباعدارلامالار; مەملەكەتتىك ءتىلدىڭ ءرولىن جوعارىلاتۋعا باعىتتالعان ۇزدىك ماقالالار, تەلە- جانە راديوباعدارلامالار.
بايقاۋ ۇستىمىزدەگى جىلى العاش رەت ونلاين رەجىمدە ءوتتى. ءار تىلەك ءبىلدىرۋشى مادەنيەت جانە اقپارات مينيسترلىگىنىڭ سايتىندا تىركەلۋگە مۇمكىندىك الدى. نوميناتسيالار ءجونىندەگى جەڭىمپازدار ونلاين داۋىس بەرۋ جانە كونكۋرستىق كوميسسيانىڭ ءماجىلىستەرى قورىتىندىلارى بويىنشا انىقتالدى.
سايتتا رەسپۋبليكالىق جانە وڭىرلىك بۇقارالىق اقپارات قۇرالدارىنىڭ رەداكتسيالارىنان جانە جۋرناليستەردەن 61 تاپسىرىس تىركەلدى. ولار 209 جاريالانىمنان, 56 تەلەباعدارلاما مەن 8 راديوباعدارلامادان قۇرالدى.
«قازاقستان قوعامىندا ەتنوسارالىق كەلىسىمدى نىعايتۋعا باعىتتالعان ۇزدىك ماقالالار, تەلە- جانە راديوباعدارلامالار» نوميناتسياسىندا ونلاين داۋىس بەرۋ ناتيجەسى بويىنشا «قازاقستان-قاراعاندى» تەلەارناسىنىڭ رەداكتورى ءاشىمحان جامپەيىسوۆ, كونكۋرستىق كوميسسيانىڭ شەشىمى بويىنشا «اكمولينسكايا پراۆدا» گازەتىنىڭ ءتىلشىسى نينا ميتچينوۆا جەڭىمپازدار بولىپ تانىلدى.
«قازاقستاندىق ءپاتريوتيزمدى نىعايتۋداعى مەملەكەتتىك رامىزدەردىڭ ءرولىن كورسەتكەن ۇزدىك ماقالالار, تەلە- جانە راديوباعدارلامالار» نوميناتسياسىندا ونلاين داۋىس بەرۋ ناتيجەسى بويىنشا «استانا» راديوستانساسىنىڭ جۇرگىزۋشىسى شاكىم جانبولات, كونكۋرستىق كوميسسيانىڭ شەشىمى بويىنشا قازاقستان رەسپۋبليكاسى پرەزيدەنتى تەلەراديوكەشەنىنىڭ باس ديرەكتورى ەرلان بەكحوجين جەڭىمپازدار بولىپ تانىلدى.
«قازاقستان حالقى اسسامبلەياسىنىڭ قىزمەتىن ءتۇسىندىرۋ بويىنشا ۇزدىك ماقالالار, تەلە- جانە راديوباعدارلامالار» نوميناتسياسىندا ونلاين داۋىس بەرۋ ناتيجەسى بويىنشا قىرعىز ەتنومادەني بىرلەستىگىنىڭ توراعاسى شاۆكات يسمايلوۆ, كونكۋرستىق كوميسسيانىڭ شەشىمى بويىنشا گۇلجامال امەتباكيەۆا جەڭىمپازدار بولىپ تانىلدى.
«قازاقستاندىق ەتنوستاردىڭ مادەنيەتتەرى مەن داستۇرلەرىن دامىتۋعا باعىتتالعان ۇزدىك ماقالالار, تەلە- جانە راديوباعدارلامالار» نوميناتسياسىندا ونلاين داۋىس بەرۋ ناتيجەسى بويىنشا وڭتۇستىك قازاقستان وبلىسىنىڭ ارىس قالاسىنداعى ج.بايعۇتتيەۆ اتىنداعى ونەر مەكتەبىنىڭ وقىتۋشىسى تەمىرحان ابدىكوۆ, كونكۋرستىق كوميسسيانىڭ شەشىمى بويىنشا سولتۇستىك قازاقستان وبلىسىنداعى «7 ارنا» ءجۋرناليسى ولگا ۆيتۋكەۆيچ جەڭىمپازدار دەپ تانىلدى.
«مەملەكەتتىك ءتىلدىڭ ءرولىن جوعارىلاتۋعا باعىتتالعان ءۇزدىك ماقالالار, تەلە- جانە راديوباعدارلامالار» نوميناتسياسىندا ونلاين داۋىس بەرۋ ناتيجەسى بويىنشا شىمكەنت قالاسىنداعى «ەرنۇر» كورپوراتسياسىنىڭ ءجۋرناليسى نۇركەن توقاەۆ, كونكۋرستىق كوميسسيانىڭ شەشىمى بويىنشا «نوۆوستي پريشيميا» گازەتى رەداكتسياسى ديرەكتورىنىڭ ورىنباسارى, جۋرناليست مارينا پەتروۆا جەڭىمپازدار دەپ تانىلدى.
ەتنوسارالىق قارىم-قاتىناس جانە مادەنيەتارالىق ۇنقاتىسۋ سالاسىنداعى مەملەكەتتىك ساياساتتى كورسەتۋدەگى جەتىستىگى ءۇشىن, سونداي-اق, قازاقستاندا تۇراتىن قازاق حالقى مەن ەتنوستاردىڭ مادەنيەتتەرىن, داستۇرلەرىن ناسيحاتتاعانى ءۇشىن كونكۋرستىق كوميسسيا ەرەكشە ماقتاۋ قاعازىمەن «جاڭاوزەن» گازەتىنىڭ ءتىلشىسى مۇراتباي ۇلىقپان مەن «استانا» راديوسىنىڭ ءتىلشىسى ولگا اسحوجينانى اتاپ ءوتتى.
«ەگەمەن-اقپارات».