قازاقستاننىڭ باسىم بولىگىندە اۋا رايىنا بايلانىستى ەسكەرتۋ جاريالاندى

سينوپتيكتەردىڭ مالىمەتىنە سايكەس, نۇر-سۇلتان قالاسىندا قالىڭ تۇمان, قاتتى كوكتايعاق, نوسەر جاۋىن, 21 م/س ەكپىندەگى جەل بولجانادى.

پاۆلودار وبلىسىندا وڭتۇستىك-باتىستان جەل سوعىپ, كۇشى تۇندە كەي جەرلەردە 15-20 م/س, كۇندىز 25 م/س جەتەتىنى كۇتىلەدى.

ماڭعىستاۋ وبلىسىنىڭ كەي جەرلەرىن تۇمان باسادى. قىزىلوردا وبلىسىندا وڭتۇستىك-شىعىستان جەل سوعادى. كەي جەرلەردە ونىڭ كۇشى تۇندە 15-20 م/س, كۇندىز 23-28 م/س ارتۋى ىقتيمال.

اتىراۋ وبلىسىنىڭ كەي جەرلەرىندە سولتۇستىك-باتىستان سوققان جەلدىڭ جىلدامدىعى 15-20 م/س كۇشەيەدى.

باتىس قازاقستان وبلىسىنىڭ كەي جەرلەرىندە تۇمان بولجانادى. سولتۇستىك-باتىستان سوعاتىن جەلدىڭ كۇشى كەي جەرلەردە 15-20 م/س ارتادى.

اقمولا وبلىسىندا جاۋىن-شاشىن (كۇندىز كوبىنەسە جاڭبىر تۇرىندە) جاۋادى. كەي جەرلەردە تۇمان, كوكتايعاق كۇتىلەدى. وڭتۇستىك-باتىستان جەل سوعادى, كۇشى تۇندە كەي جەرلەردە 15-20 م/س, كۇندىز ەكپىنى 23-28 م/س جەتەدى.

سولتۇستىك قازاقستان وبلىسىندا جاۋىن-شاشىن (كوبىنەسە جاڭبىر) بولادى. كەي جەرلەرىندە تۇمان, كوكتايعاق كۇتىلەدى. وڭتۇستىكتەن جەل سوعىپ, ەكپىنى 25 م/س كۇشەيەدى.

قوستاناي وبلىسىنىڭ كەي جەرلەرىندە تۇمان, كوكتايعاق بولجانادى. وڭتۇستىك-باتىستان جەل سوعىپ, كۇشى 15-20 م/س ارتادى.

26 قازاندا كۇندىز جانە 27 قازاندا تاۋلىك بويى جامبىل وبلىسىندا وڭتۇستىك-باتىستان, باتىستان جەل سوعادى, كۇشى 15-20 م/س ارتادى. 27 قازاندا ەكپىنى 23-28 م/س كۇشەيۋى مۇمكىن.