شىمكەنتتە پويىزداردىڭ قوزعالىسى قالپىنا كەلتىرىلدى

ەسكە سالا كەتەيىك, 24 قازان كۇنى تۇندە 14 ۆاگون جولدان شىعىپ, اۋدارىلىپ كەتكەن بولاتىن, سالدارىنان 7 جولاۋشىلار پويىزىنىڭ قوزعالىسى كەشىكتىرىلدى, اتاپ ايتقاندا:

1. شىمكەنت ستانتسياسىندا اقتوبە - الماتى №34 جولاۋشىلار پويىزى 9 ساعاتقا, قىزىلوردا-پەتروپاۆل №76 پويىزى 7 ساعاتقا كەشىكتى.

2. قورعاسىن ستانتسياسىندا قىزىلوردا-كوكشەتاۋ № 56 جولاۋشىلار پويىزى 5 ساعاتقا كەشىكتى.

3. قىزىلساي ستانتسياسىندا الماتى-اقتوبە №23 جولاۋشىلار پويىزى 8 ساعاتقا كەشىكتى.

4. مانكەنت-2 ستانتسياسىندا الماتى - شىمكەنت №11 جولاۋشىلار پويىزى 5 ساعاتقا, نۇر-سۇلتان-سارىاعاش №85 پويىزى 1,5 ساعاتقا كەشىكتى.

5. ساستوبە ستانتسياسىندا الماتى-اقتوبە № 33 جولاۋشىلار پويىزى 1 ساعاتقا كەشىكتى.

قوزعالىسى كەشىكتىرىلگەن پويىزداردا 1 393جولاۋشى بولعان. سونىمەن قاتار, جەرگىلىكتى اتقارۋشى ورگاندار شىمكەنت قالاسىنا جولاۋشىلاردى تاسىمالداۋ ءۇشىن 5 شاعىن اۆتوبۋس پەن 2 اۆتوبۋس ۇيىمداستىردى.