ەربول نۇرعاليەۆ جۇمىس بەرۋشىلەرىمەن وندىرىستىك جاراقاتتانۋ ماسەلەلەرىن تالقىلادى

ءىس-شاراعا قر ەڭبەكمينى ەڭبەك, الەۋمەتتىك قورعاۋ جانە كوشى-قون كوميتەتى توراعاسىنىڭ ورىنباسارى تولەگەن وسپانقۇلوۆ, جەرگىلىكتى اتقارۋشى ورگان باسقارمالارىنىڭ باسشىلارى, الەۋمەتتىك ارىپتەستەردىڭ وكىلدەرى جانە ءوڭىر كاسىپورىندارىنىڭ باسشىلارى قاتىستى.

كەڭەس بارىسىندا قاتىسۋشىلار ءوڭىر كاسىپورىندارىندا ورىن العان جازاتايىم وقيعالاردىڭ سەبەپتەرى مەن ءمان-جايلارىن تالقىلادى, سونداي-اق ەڭبەكتى قورعاۋ تيىمدىلىگىن ارتتىرۋ بويىنشا پىكىر, تاجىريبە جانە ۇسىنىستارمەن الماستى.

قر باس ەڭبەك ينسپەكتورى تولەگەن وسپانقۇلوۆ ءوز سوزىندە قاتىسۋشىلارعا قازاقستانداعى ەڭبەك قاۋىپسىزدىگى مەن ەڭبەكتى قورعاۋدى رەتتەۋدىڭ دۋالدى جۇيەسى تۋرالى ەسكە سالدى, وندا ءبىر جاعىنان مەملەكەت ەڭبەكتى قورعاۋ جونىندەگى ستاندارتتار مەن تالاپتاردى جانە ولاردىڭ ساقتالۋىن مىندەتتى باقىلاۋدى نورماتيۆتىك تۇرعىدان بەلگىلەيدى, ال جۇمىس بەرۋشىلەر مەن قىزمەتكەرلەر كاسىپورىنداردىڭ وزىندە ەڭبەكتى قورعاۋدى تىكەلەي باسقارۋدى جۇزەگە اسىرادى.

«كاسىبي تاۋەكەلدەردى باسقارۋدىڭ زاماناۋي جۇيەسىن ەنگىزۋ ءۇشىن ەلىمىزدىڭ 2,6 مىڭنان استام ءىرى كاسىپورنى ەڭبەك قاۋىپسىزدىگى مەن ەڭبەكتى قورعاۋ بويىنشا حالىقارالىق جانە ۇلتتىق ستاندارتتاردى ەنگىزدى. بۇل رەتتە شىعىس قازاقستان وبلىسىنىڭ ۇلەسىنە وسى كاسىپورىنداردىڭ وننان ءبىر بولىگى, ياعني 251 كاسىپورىن تيەسىلى», – دەپ اتاپ ءوتتى تولەگەن وسپانقۇلوۆ.

سونداي-اق, ونىڭ ايتۋىنشا, ەڭبەكتى قورعاۋ تالاپتارىن قامتاماسىز ەتۋ, وندىرىستىك جاراقاتتانۋ مەن كاسىپتىك اۋرۋلاردىڭ الدىن الۋ بويىنشا بىرلەسكەن ءىس-قيمىلداردى ۇيىمداستىرۋ ءۇشىن كاسىپورىنداردا 15 مىڭنان استام ەڭبەك قاۋىپسىزدىگى جانە ەڭبەكتى قورعاۋ جونىندەگى وندىرىستىك كەڭەستەر قۇرىلدى, ولاردىڭ قۇرامىنا جۇمىس بەرۋشىلەر مەن جۇمىسكەرلەردىڭ وكىلدەرى كىرەدى, ولاردىڭ ىشىندە شىعىس قازاقستان وبلىسىندا – 1286.

«بۇدان باسقا, وڭىردە جۇمىس ورىندارىنداعى ەڭبەك جاعدايلارىنىڭ ناقتى جاي-كۇيىن تەكسەرۋ جانە ولار بويىنشا شارالار كەشەنىن ودان ءارى جۇرگىزۋ ءۇشىن 346 وندىرىستىك وبەكت اتتەستاتتالدى – بۇل باسقا وبلىستار اراسىنداعى ەڭ جوعارى كورسەتكىش. جىل باسىنان بەرى ەلىمىز بويىنشا بارلىعى 2,5 مىڭ كاسىپورىن وسىنداي تەكسەرۋدەن ءوتتى», – دەپ حابارلادى قر باس ەڭبەك ينسپەكتورى.

تولەگەن وسپانقۇلوۆتىڭ ايتۋىنشا, اعىمداعى جىلدىڭ 9 ايىندا ەلىمىزدىڭ كاسىپورىندارىندا 1023 ادام زارداپ شەكتى, بۇل 943 ادام زارداپ شەككەن 2019 جىلدىڭ سايكەس كەزەڭىمەن سالىستىرعاندا 8,5% - عا جوعارى. ال جۇمىس ورنىندا جازاتايىم وقيعالار كەزىندە قازا تاپقاندار سانى 144 ادامدى قۇرادى, ياعني وتكەن جىلعا قاراعاندا 29,7% - عا جوعارى (111 ادام).

ماسەلەن, شىعىس قازاقستان وبلىسىندا زارداپ شەككەندەردىڭ سانى 137-دەن 135 ادامعا دەيىن ازايدى, الايدا ادام ولىمىمەن اياقتالعان زارداپ شەككەندەردىڭ سانى 2,7 ەسەگە ارتىپ, 19 ادامدى قۇرادى.

بۇل رەتتە, قر ەڭبەكمينى ەڭبەك, الەۋمەتتىك قورعاۋ جانە كوشى-قون كوميتەتى توراعاسىنىڭ ورىنباسارى قاۋىپسىز ەڭبەك جاعدايلارىن جاساۋعا كوبىنەسە جۇمىس بەرۋشىلەر عانا ەمەس, سونداي-اق قىزمەتكەرلەر دە نەمقۇرايلى قارايتىنىن باسا ايتتى.

شىعىس قازاقستان وبلىسىنداعى وندىرىستىك جاراقاتتانۋدىڭ وزەكتى ماسەلەلەرىن تالقىلاۋ قورىتىندىسى بويىنشا قر ەڭبەكمينى ەڭبەك, الەۋمەتتىك قورعاۋ جانە كوشى-قون كوميتەتىنىڭ توراعاسى ەربول نۇرعاليەۆ كاسىپورىنداردىڭ باسشىلارىنا ءوڭىردىڭ ەڭبەك ينسپەكتسياسى جونىندەگى باسقارماسىمەن بىرلەسىپ كاسىپورىنداردا سالاۋاتتى جانە قاۋىپسىز ەڭبەك جاعدايلارىن قامتاماسىز ەتۋ بويىنشا جاعدايدى جاقسارتۋ ءۇشىن بىرقاتار ءىس-شارالار وتكىزۋدى ۇسىندى.

«جىل سوڭىنا دەيىن 2019-2023 جىلدارعا ارنالعان وندىرىستىك جاراقاتتانۋدى جانە ەڭبەك جاعدايلارى زياندى جۇمىس ورىندارىن ازايتۋ جونىندەگى جول كارتاسىن ورىنداۋ بويىنشا جۇمىستى كۇشەيتۋ, جۇمىستا جازاتايىم وقيعالار ورىن العان ءاربىر كاسىپورىندا ەڭبەك جاعدايلارىن جاقسارتۋ جانە وندىرىستىك جاراقاتتانۋدى ازايتۋ جونىندەگى ءىس-شارالار جوسپارىن ازىرلەۋ جانە بەكىتۋ قاجەت دەپ سانايمىن. سونداي-اق, وندىرىستىك كاسىپورىنداردا كاسىپتىك قاۋىپ-قاتەردى باعالاۋدى تۇراقتى وتكىزىپ, ونى ازايتۋ بويىنشا شارالار قابىلداۋ ماڭىزدى», – دەپ قورىتىندىلادى ەربول نۇرعاليەۆ.

ءسوز سوڭىندا ول وبلىس كاسىپورىندارىندا ەڭبەكتى قورعاۋدى باسقارۋ جۇيەسىن, ەڭبەك قاۋىپسىزدىگى جانە ەڭبەكتى قورعاۋ جونىندەگى وندىرىستىك كەڭەستەردى, قاۋىپسىز ەڭبەك جاعدايلارىن قامتاماسىز ەتۋ بويىنشا تاپسىرىس بەرۋشىدەن مەردىگەرگە دەيىن تىك باقىلاۋدى, سونداي-اق «حالىقتىق باقىلاۋ» جوباسىن ەنگىزۋ جانە «VizionZero» حالىقارالىق الەۋمەتتىك قامسىزداندىرۋ قاۋىمداستىعىنىڭ تۇجىرىمداماسىن ىلگەرىلەتۋدى جانداندىرۋ قاجەت دەپ قوستى.