پتر-انىقتاماسىز ۇشىپ كەلگەن جولاۋشى قازاقستاننان دەپورتاتسيالاندى

"بۇگىن اقتاۋ قالاسىنىڭ اۋەجايىنان پتر-انىقتاماسى بولماعان ۇلىبريتانيا ازاماتى ءوز ەلىنە قايتارىلدى. سونداي-اق 24 قازان تۇنىندە 9 رەيسپەن 1158 ادام ۇشىپ كەلدى. سونىڭ ىشىندە 951 جولاۋشىنىڭ پتر-انىقتاماسى بولعان, قازاقستاننىڭ 207 ازاماتىندا انىقتاما بولماعان", دەلىنگەن كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ تاراتقان اقپاراتىندا.

رەيستەردىڭ:

- 4-ەۋى نۇر-سۇلتان قالاسىنا (471 جولاۋشى, ونىڭ 385-ىندە انىقتاما بولدى, 86 ادام انىقتاماسىز);

- 4-ەۋى الماتى قالاسىنا (588 جولاۋشى, ونىڭ 472-سىندە انىقتاما بولدى, 116 ادام انىقتاماسىز);

- 1-ەۋى اقتاۋ قالاسىنا (99 جولاۋشى, ونىڭ 94-ىندە انىقتاما بولدى, 5 ادام انىقتاماسىز) جاسالدى.

ايتا كەتەيىك, انىقتاماسىز ۇشىپ كەلگەن قازاقستان ازاماتتارى پتر-تالداۋ تاپسىرۋ ءۇشىن نۇر-سۇلتان, الماتى جانە اقتاۋ قالالارىنداعى كارانتين ستاتسيونارلارىنا ورنالاستىرىلدى. جولاۋشىلار تۇركيا, ءباا, بەلارۋس, مىسىردان حالىقارالىق اۋە رەيستەرىمەن ۇشىپ كەلگەن كورىنەدى.