ەلىمىزدەگى العاشقى پيلوتتىق جوبا اتىراۋداعى №4 قالالىق ەمحانادا ىسكە قوسىلدى. روبوت كەلۋشىلەردىڭ دەنە قىزۋىن تەكسەرىپ, مەديتسينالىق ماسكانى دۇرىس تاقپاعان ادامعا دىبىستى ەسكەرتۋ جاسايدى, دەپ حابارلايدى Egemen.kz
"دەنە قىزۋىن ولشەيتىن روبوت قۇرىلعى ەلىمىز بويىنشا العاش رەت پيلوتتىق جۇيە رەتىندە اتىراۋ وبلىسىندا ىسكە قوسىلىپ وتىر. بۇرىن الەمدىك تاجىريبەدە سىنالعان روبوت قۇرىلعىنىڭ ءتيىمدى تۇستارى كوپ. مەديتسينا قىزمەتكەرى ۋاقىتىن ۇنەمدەيدى ءارى ناۋقاستارمەن بايلانىس جاساعان كەزدە اراقاشىقتىقتى ساقتايدى. ەمحانا قىزمەتكەرى ەندى روبوت كورسەتكەن مونيتوردى عانا باقىلاپ وتىرادى. ويتكەنى, "اقىلدى" تەحنيكا عيماراتقا دەنە قىزۋىمەن كەلگەن ناۋقاستى بىردەن انىقتايدى. مونيتور بەتىنە سول ادامنىڭ سۋرەتىن كورسەتىپ, قىزىل تۇسپەن ەرەكشەلەيدى. ال ماسكاسىز نەمەسە ونى دۇرىس تاقپاعان كۇيى ىشكە ەنسە, ونىڭ سۋرەتىن سارى تۇسكە بوياپ, دابىل قاعادى. داۋىستاپ ەسكەرتۋ جاسايدى", دەيدى اتىراۋ قالالىق №4 ەمحاناسىنىڭ باس دارىگەرى مەرۋەرت وتەعاليەۆا.