بۇگىن تۇركىستان وبلىسى جاستار رەسۋرستىق ورتالىعى مەن قوعام بەلسەندىلەرى, وڭىرگە تانىمال ۇزدىكتەر جالپىۇلتتىق "مەن تۋىمدى ماقتان تۇتامىن" اكتسياسىنا قاتىستى, دەپ حابارلايدى Egemen.kz.
بۇل اكتسيانىڭ نەگىزگى ماقساتى - ەلىمىزدىڭ تاۋەلسىزدىگىنىڭ باستى نىشانى رامىزدەردى ەلىمىزدىڭ ءاربىر جاسىن قۇرمەتتەۋگە قالىپتاستىرۋ. قازىرگى قوعامدا تەڭىنەن تارالىپ جاتقان سىرتقى كۇشتەردىڭ ەلىمىزدىڭ يميدجىنە نۇقسان كەلتىرەتىن ارەكەتتەرگە توتەپ بەرۋ. قاي سالادا بولماسىن ۇزدىكتەر قاتارىنان تابىلىپ, كوك بايراعىمىزدى جەلبىرەتۋ باستى مۇراتىمىز بولاتىنىن ەسكە سالۋ بولاتىن.
"ارينە, رامىزدەردىڭ ماڭىزدىلىعىن دارىپتەۋ باعىتىنداعى شارالاردى ءجيى وتكىزىپ تۇرامىز. بىراق, قازىرگى حالىقارالىق دەڭگەيدە ەلىمىزدىڭ يميدجىنە قارسى جاسالىپ جاتقان ارەكەتتەر كەزىندە بويىمىزدى تىكتەۋ ءۇشىن, جاستاردىڭ بويىنداعى جىگەردىڭ جانالماۋى ماقساتىندا وسىنداي اكتسيا ءوتتى. بۇل كەڭ اۋقىمدى, رەسپۋبليكالىق شارا بولعاندىقتان تۇركىستان جاستارى دا ءوز ۇلەستەرىن قوسۋدا", - دەدى تۇركىستان وبلىسى قوعامدىق دامۋ باسقارماسى "جاستار رەسۋرستىق ورتالىعى" باسشىسى امالبەك ءومىرتاي.
سونداي-اق اتالعان اكتسيانى تۇركىستان وبلىسىنداعى اۋدان, قالالارداعى جاستار دا قولداپ, مەملەكەتتىك تۋىمىزدىڭ مارتەبەسىن كوتەرۋگە, قادىر-قاسيەتىن ارتتىرۋعا ۇلەس قوسۋدا. ودان بولەك, تاربيەلىك ءمانى زور باستامانى قولداعانداردىڭ قاتارى الەۋمەتتىك جەلىلەردە دە ارتىپ جاتقانىن بايقاۋعا بولادى.
ايتا كەتەيىك, اكتسيا تەك قانا قازاقستان اۋماعىندا شەكتەلىپ قالماۋ ءۇشىن ءۇش تىلدە #كوكبايراعىمماقتانىشىم, #ياگورجۋسسۆويمفلاگوم, #IsOurPride حەشتەگتەرى قولدانىلۋدا.