سىر ەلىندە ەرەكشە وقۋدى قاجەت ەتەتىن جانە ۇيدەن وقيتىن بالالارعا ارنالعان ينكليۋزيۆتى وقىتۋ ءۇشىن ارنايى جول كارتاسى جاسالعان. بيىل جول كارتادا كوزدەلگەن مىندەتتەردى ورىنداۋ ءۇشىن 505 ملن.تەڭگە قارجى ءبولىنىپ, 47 بالاباقشا لوگوپەديالىق پۋنكتەر جانە ماماندارمەن قامتاماسىز ەتىلسە, 44 مەكتەپتە ينكليۋزيۆتىك كابينەت اشىلادى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
بۇگىنگى كۇنى سالاعا جاۋاپتى مامانداردىڭ سوزىنە سۇيەنسەك, "جول كارتاسى" اياسىندا ينكليۋزيۆتىك رەسۋرستىق ورتالىقتار اشۋ, مۇعالىمدەردىڭ بىلىكتىلىگىن ارتتىرۋ, ءبىلىم بەرۋ ۇيىمدارىن ارنايى وقۋلىقتارمەن قامتاماسىز ەتۋ شارالارى جۇزەگە اسپاق.
ايتا كەتۋ كەرەك, وڭىردە مەكتەپتەردىڭ ماتەريالدىق-تەحنيكالىق بازالارىن نىعايتۋ باعىتىندا قارقىندى جۇمىس جۇرگىزىلۋدە. ماسەلەن, وبلىس مەكتەپتەرىنىڭ 65 پايىزىندا جاڭا موديفيكاتسيالىق كابينەتتەر جۇمىس جاساپ كەلسە, بيىلعى جىلى 236 پاندىك كابينەتتەر اشىلادى. سونىمەن بىرگە 42 مەكتەپكە "3د مودەلدەۋ" كەشەن جابدىقتارىمەن تولىقتىرىلادى.