بۇقار جىراۋ اۋدانىنداعى تسەنترالنوە اۋىلىنا رەسەيدىڭ ومبىسىنان كەلگەن قوناقتان كوروناۆيرۋس ينفەكتسياسىنىڭ بەلگىسى تابىلدى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
وسىعان بايلانىستى اۋداننىڭ باس مەملەكەتتىك سانيتارلىق دارىگەرىنىڭ قاۋلىسىمەن اتالعان ەلدى مەكەنگە كارانتين ەنگىزىلىپ, ناۋقاسپەن بايلانىستا بولعان ازاماتتار وقشاۋلاندىرىلدى.
قازىرگى ۋاقىتتا اۋىلدان شىعا بەرىسكە سانيتارلىق بلوك بەكەتتەر قويىلىپ, كارانتيندىك ايماققا كىرۋگە جانە ودان شىعۋعا تىيىم سالىنعان. ەپيدەميولوگيالىق جاعدايدىڭ كۇردەلەنۋىنە بايلانىستى اۋىل تۇرعىندارى كارانتين رەجىمىن قاتاڭ ساقتاۋ مىندەتتەلدى. ولاردىڭ ۇيدەن تەك جۇمىسقا, تاياۋ ماڭداعى دۇكەندەرگە نەمەسە دارىحانالارعا بارۋىنا عانا رۇقسات ەتىلگەن.
بۇقار جىراۋ اۋدانىنىڭ باس مەملەكەتتىك سانيتارلىق دارىگەرى كارانتيننىڭ سوڭعى ناۋقاس ەمدەلىپ شىققانعا دەيىن دەيىن جالعاساتىنىن مالىمدەدى.
قاراعاندى وبلىسى