بۇگىندە رەسپۋبليكا بويىنشا 36 مىڭنان استام ادام جاتتىعاتىن 97 بىرلىك كاسىبي سپورت كلۋبتارى بار. بۇل تۋرالى مادەنيەت جانە سپورت ءمينيسترى ورتالىق كوممۋنيكاتسيالار قىزمەتىندە وتكەن بريفينگتە مالىمدەدى, دەپ حابارلايدى Egemen.kz.
"مەملەكەت باسشىسىنىڭ جولداۋىن ىسكە اسىرۋ جونىندەگى جالپىۇلتتىق ءىس-شارالار جوسپارىندا مادەنيەت جانە سپورت مينيسترلىگىنىڭ الدىنا حالىقتى, ونىڭ ىشىندە ەڭ الدىمەن بالالاردى دەنە شىنىقتىرۋمەن جانە بۇقارالىق سپورتپەن اينالىسۋعا بەلسەندى تارتۋ, سونداي-اق سپورت سەكتسيالارىن اشۋ جانە "بالالار ۇيىرمەلەرىنىڭ" قىزمەتىن قالپىنا كەلتىرۋ مىندەتى قويىلدى. وسى مىندەتتەردى جۇزەگە اسىرۋ ماقساتىندا جالپىۇلتتىق ءىس-شارالار جوسپارى شەڭبەرىندە مادەنيەت جانە سپورت مينيسترلىگى جەرگىلىكتى اتقارۋشى ورگاندارمەن بىرلەسىپ "كاسىبي سپورت كلۋبتارىن ۇستاۋعا جىبەرىلەتىن قارجى قاراجاتىن حالىقتى, ەڭ الدىمەن بالالاردى دەنە شىنىقتىرۋمەن جانە بۇقارالىق سپورتپەن اينالىسۋعا تارتۋعا قايتا باعدارلاۋ" (جۇج 74-تارماعى) جانە "بارلىق وبلىستاردا, رەسپۋبليكالىق ماڭىزى بار قالالاردا جانە استانادا, ءىرى اۋدان ورتالىقتارىندا سپورت سەكتسيالارىن اشۋ جانە "بالالار ۇيىرمەلەرىنىڭ" قىزمەتىن قالپىنا كەلتىرۋ" (جۇج 75-تارماعى) بويىنشا ءىس-شارالاردى جۇزەگە اسىرۋدا", دەدى ا.رايىمقۇلوۆا.
ونىڭ ايتۋىنشا, بۇگىندە رەسپۋبليكا بويىنشا 36 مىڭنان استام ادام جاتتىعاتىن 97 بىرلىك كاسىبي سپورت كلۋبتارى بار.