وبلىستىق توتەنشە جاعدايلار دەپارتامەنتىنىڭ ازاماتتىق قورعاۋ سالاسىنى باقىلاۋ باسقارماسىنىڭ قىزمەتكەرلەرى كولىكتەگى ورتتەردىڭ الدىن الۋ بويىنشا رەيدتىك ءىس-شارا وتكىزدى, دەپ حابارلايدى Egemen.kz.
باسقارما قىزمەتكەرلەرى وسى جىلى كولىكتەگى ورتتەردىڭ سانى وتكەن جىلمەن سالىستىرعاندا ازايعانىن اتاپ ءوتتى.
ماسەلەن, بيىل جىلدىڭ باسىنان بەرى اۆتوكولىك قۇرالدارىنىڭ 71 جانۋ جاعدايى تىركەلسە, ال وتكەن جىلدىڭ وسى كەزەڭىندە اۆتوموبيل قۇرالدارىنىڭ 88 ءورتى ورىن العان.
- بۇل ءىس - شارا اۆتوكولىكتەگى ورتتەردىڭ الدىن الۋ ماقساتىندا وتكىزىلەدى, - دەيدى باسقارمانىڭ باس مامانى اينۇر اسقاروۆا. - ورتتەردىڭ پايدا بولۋىنىڭ نەگىزگى سەبەپتەرى ەلەكتر سىمدارىنىڭ تۇيىقتالۋى مەن قىستىگۇنى ماشينانى قىزدىرعان كەزدە اشىق وتتى پايدالانۋ بولىپ تابىلادى.
دەپارتامەنت قىزمەتكەرلەرى ءورت سوندىرگىشتەردىڭ بولۋىن جانە جارامدىلىعىن, سونداي-اق اۆتوكولىك جۇرگىزۋشىلەرىنىڭ ءورت سوندىرگىشتى قولدانۋ تۋرالى ءبىلىمىن تەكسەرەدى.
جانعىش ماتەريالداردىڭ, جانعىش ورتانىڭ پايدا بولۋىنا قولايلى جاعدايلاردىڭ, سونداي-اق جانۋ كوزدەرىنىڭ بولۋى ءاۆتوموبيلدىڭ ءورت قاۋىپتىلىگىن تۋدىرادى.
جانعىش ماتەريالدار اۆتوموبيل سالونىندا دا بولادى. ولار بىلعارى, پلاستماسسا, توقىلعان جابىندىلار جانە باسقا دا ونىمدەر. كولىكتىڭ كەيبىر ماركالارىندا ولاردىڭ جالپى سالماعى ءجۇز كەلىدەن اسۋى مۇمكىن.
باسقارما قىزمەتكەرلەرى اۆتوكولىك جۇرگىزۋشىلەرىنە اۆتوكولىكتە ءورت شىققان كەزدەگى ءىس-ارەكەتتەر بويىنشا پايدالى كەڭەستەر بەردى.
- ەگەر ماشينانىڭ استىنا توگىلگەن وتىن تۇتانعان بولسا, ءورت سوندىرگىشتى پايدالانۋ كەرەك, ۇنتاقتى نەمەسە كوبىكتى وتتىڭ شەتىنەن ورتاسىنا قاراي باعىتتاڭىز, - دەيدى ماماندار. - كاپوت استىنداعى ءورتتى الدىن الا اشىپ ءسوندىرۋ كەرەك. ول ءۇشىن كاپوتتى تاياقتىڭ كومەگىمەن نەمەسە قولدارىڭىزدى ماتامەن وراپ اشۋ كەرەك.
ءورت سوندىرگىشتى نەعۇرلىم قارقىندى جانۋ وشاعىنا باعىتتاۋ نەمەسە جالىندى قۇممەن, قارمەن, توپىراقپەن لاقتىرۋ, سۋ قۇيۋ, برەزەنتپەن جابۋ قاجەت. ەگەر قولدارىڭىز بەنزينگە مالىنعان بولسا نەمەسە كيىمىڭىز مايلى بولسا, وتقا جاقىنداماڭىز – بۇل وتە قاۋىپتى. ەگەر ءورتتى تەز جويۋ مۇمكىن بولماسا, وندا جانىپ جاتقان اۆتوموبيلدەن قاۋىپسىز قاشىقتىققا كەتۋ كەرەك, ويتكەنى جانارماي باگىنىڭ جارىلۋ مۇمكىندىگى بار. قاۋىپتى ايماقتىڭ راديۋسى شامامەن 10 مەتر, سوندىقتان, كولىكتىڭ اينالاسىندا بوگدە ادامدار بولماۋى كەرەك. ءبىرىنشى كەزەكتە "101" ءنومىرى بويىنشا ءورت سوندىرۋشىلەردى شاقىرۋ قاجەت.
وبلىستىق توتەنشە جاعدايلار دەپارتامەنتى بارلىق اۆتوكولىك يەلەرىن ءورت قاۋىپسىزدىگى ەرەجەلەرىن ساقتاۋعا شاقىرادى.
پاۆلودار وبلىسى