ءورت – ءتىلسىز جاۋ. ءورت – ادامداردىڭ ءومىرى مەن دەنساۋلىعىنا, سونداي-اق قورشاعان ورتاعا زيانىن تيگىزەتىن الاپات اپات. ايتىپ كەلمەيتىن اپات تابيعاتىمىزدىڭ تاپتىرماس بايلىقتارىنا ۇلكەن زيانىن كەلتىرەدى.
سول سەبەپتى قورشاعان ورتانى بارىنشا ساقتاپ قالۋعا پەيىلدى ادامزات بالاسى ءورت قاۋىپسىزدىگى ەرەجەلەرىن ساقتاۋى كەرەك. جاز جانە كۇز مەزگىلدەرىندە ورمان القاپتارى, شارۋاشىلىق جەرلەر جانە تاۋلى ايماقتاردا ءورت كوپ ورىن الادى. سونىڭ سالدارىنان كوپتەگەن وسىمدىكتەر جانىپ, قۇستار مەن جاندىكتەر ورتكە كۇيىپ, وپات بولادى. ورتەنگەن ايماقتاعى جان-جانۋارلاردىڭ جانە جاندىكتەردىڭ تىرشىلىك ەتۋ ورتاسى بۇزىلادى. ورتەنگەن توپىراق جەر قىرتىسىنىڭ وزگەرۋىنە سەبەبىن تيگىزىپ, شولدەنۋگە اكەلىپ سوعادى. ءتىلسىز جاۋدىڭ تارالۋى تابيعاتقا عانا ەمەس, سونىمەن قاتار ەلدى مەكەندەرگە, ورمان القاپتارى مەن ادام ومىرىنە ۇلكەن قاۋىپ توندىرەدى.
ءورت بولعان ايماقتى قايتادان قالپىنا كەلتىرۋگە كوپتەگەن ۋاقىت كەرەك. سول سەبەپتى, ادام ورتكە جول بەرمەي, تابيعاتتى بارىنشا باعالاي بىلسە دەيمىز.
رۇستەم يستەمەسوۆ,
«تارباعاتاي» مەملەكەتتىك ۇلتتىق تابيعي پاركىنىڭ راديوبايلانىس ينجەنەرى
شىعىس قازاقستان وبلىسى