سارىتۇڭعيىق (Núphar lútea) – نيمفالار نەمەسە تۇڭعيىقتار (Nymphaeaceae) تۇقىمداسىنا جاتاتىن, سۋ بەتىندە قالقىپ تۇراتىن, سۋدىڭ تۇبىنە بەكي وسەتىن نەمەسە سۋعا جارتىلاي باتىپ وسەتىن كوپجىلدىق گيگروفيتتى وسىمدىكتەر. سارىتۇڭعيىق «تارباعاتاي» مەملەكەتتىك ۇلتتىق پارك اۋماعىنان 2019 جىلى قاتىنسۋ وزەنىنىڭ N 46036.330/ E 081058.282/ كوورديناتىمەن توعان سۋىنان تىزىمدەلدى. 2020 جىلى زەرتتەۋ جۇمىستارى جۇرگىزىلدى.
بيىكتىگى 1,5-2 مەترگە جەتەدى. تامىرى جۋان (ديامەترى 3-10 سم-گە دەيىن), سۋ استىنداعى جاپىراعى جىڭىشكە, سولعىن, ال سۋ بەتىندەگىلەرى ءىرى, سوپاق, ءپىشىنى جۇرەككە ۇقسايدى. دارا, سارى ءتۇستى گۇلدەرىنىڭ ۇزىن گۇلساعاعى بولادى. 4-5 ءىرى توستاعانشا جاپىراقشالارى, وتە كوپ ۇساق كۇلتەلەرى بار. اتالىعى مەن جەمىس جاپىراقشالارىنىڭ سانى كوپ. شىلدە-تامىز ايلارىندا گۇلدەپ, جەمىس سالادى. جەمىسى – ەتجەندى تۇقىمشا.
تارالۋ ايماعى قاتىنسۋ وزەنىڭ اعىسى باياۋ, توعاندى سۋ جەرىندە وسەدى. سارىتۇڭعيىق – دارىلىك وسىمدىك, تامىرىندا الكالويد, كراحمال, شايىر, يلىك زاتتار بار. ەمدىك ماقساتقا وسىمدىكتىڭ ساباعى مەن تامىرىن, جەمىسىن پايدالانادى. تۇنباسىن وكپە تۋبەركۋلەزىنە, بۇيرەك پەن قۋىقتىڭ قابىنۋىنا قارسى ىشەدى. سىراعا قايناتىلعان تامىرىمەن باس جۋسا شاش جاقسى وسەدى.
سالتانات ماجەنوۆا,
«تارباعاتاي» مۇتپ» رمم عىلىم, اقپارات جانە ەكولوگيالىق مونيتورينگ ءبولىمىنىڭ اعا عىلىمي قىزمەتكەرى
شىعىس قازاقستان وبلىسى