جەزقازعاندا بەلگىلى مەتسەنات بەكزات التىنبەكوۆتىڭ "تۇلعا" سىيلىعى يەلەرىن تاپتى

ءابۋ ناسىر ءال-ءفارابيدىڭ 1150 جىلدىعىنا جانە ابايدىڭ 175 جىلدىق مەرەيتويىنا ورايلاستىرىلعان بۇل ءىس-شارادا ءبىلىم, مادەنيەت, ونەر جانە باق سالالارىنىڭ قىزمەتكەرلەرى قۇرمەتتىڭ تورىنە شىعارىلىپ, ماراپات مارتەبەسىنە  يە بولدى.

بيىلعى "تۇلعا" سىيلىعىنا لايىقتى لاۋرەاتتاردىڭ قاتارىندا قازاقستاننىڭ ەڭبەك سىڭىرگەن ءارتىسى, "قۇرمەت" وردەنىنىڭ يەگەرى مەرۋەرت وتەكەشوۆا, سەمەي قالاسىنداعى م.اۋەزوۆ اتىنداعى پەداگوگيكالىق كوللەدجدىڭ ديرەكتورى شاعانگۇل جاناەۆا, بەلگىلى اقىن سەرىك اقسۇڭقار ۇلى, قازاقستاننىڭ ەڭبەك سىڭىرگەن قايراتكەرى, قازاقستان جۋرناليستەر وداعىنىڭ مۇشەسى ساۋلە مەشىتباەۆا, قوعام قايراتكەرى نازيپا شاناي بولدى.

سونىمەن قاتار, سالتانات بارىسىندا باق, ءبىلىم, مادەنيەت جانە ونەر سالاسىنىڭ قىزمەتكەرلەرى دە اتاۋلى سىيلىقتارمەن ماراپاتتالدى. مىسالى, باق جانە مادەنيەت سالاسىندا كامال سمايلوۆ اتىنداعى سىيلىققا "Egemen Qazaqstan" گازەتىنىڭ اقمولا وبلىسىنداعى مەنشىكتى ءتىلشىسى بايقال ءبايادىل, ءسابيت بايدالين اتىنداعى سىيلىققا قاراعاندى وبلىستىق "قازاقستان" رترك" اق فيليالىنىڭ ديرەكتورى بەرىك دۇيسەتاەۆ, زۋلپا چۋماكوۆا اتىنداعى سىيلىققا "جەزكازگانسكي ۆەستنيك" گازەتىنىڭ باس رەداكتورى ەلۆيرا الپانباەۆا, باۋبەك بۇلقىشەۆ اتىنداعى سىيلىققا ۇلىتاۋ اۋدانىنىڭ قۇرمەتتى ازاماتى, رەسپۋبليكالىق جانە حالىقارالىق ايتىستاردىڭ بىرنەشە دۇركىن جەڭىمپازى مۇقاش سەيىتقازينوۆ, مۇقان يمانجانوۆ اتىنداعى سىيلىققا "سارىارقا" گازەتىنىڭ رەداكتسياسى" جشس ديرەكتورى دارحان مۇحان, اپپاز قاراجىگىتوۆ اتىنداعى سىيلىققا اقىن, "شابىت" فەستيۆالىنىڭ جەڭىمپازى تاناكوز تولقىنقىزى يە بولدى.

سونىمەن قاتار, بۇل كەشتە بولاشاق ۇرپاقتى تاربيەلەۋگە جانە ءبىلىم بەرۋدى دامىتۋعا قوسقان ۇلەسى ءۇشىن شابال بەيسەنبەكوۆا اتىنداعى سىيلىقپەن "قۇرمەت" وردەنىنىڭ يەگەرى ايمان تۇكباەۆا, قابدەن شىڭعىسوۆ اتىنداعى سىيلىقپەن بالقاش قالاسىنىڭ №15 مەكتەپ-ليتسەيى ديرەكتورى قارلىعاش دۇبىربەكوۆا, نۇريا جۇماجانوۆا اتىنداعى سىيلىقپەن  نۇر-سۇلتان قالاسىنىڭ ءاليحان بوكەيحانوۆ اتىنداعى №76 مەكتەپ-ليتسەيىنىڭ ديرەكتورى ساپۋرا تولەكوۆا ماراپاتتالدى.

ونەر سالاسى بويىنشا جانات حادجيەۆ اتىنداعى سىيلىق جەزقازعان قالاسىنىڭ سەركە قوجامقۇلوۆ اتىنداعى قازاق مۋزىكالىق دراما تەاترىنىڭ اكتەرى باقىتجان يبراەۆقا, دوسجان جانبوتاەۆ اتىنداعى سىيلىق  قازاقستاننىڭ ەڭبەك سىڭىرگەن قايراتكەرى ەربول ەسەندوسوۆقا, كەڭەس نۇرلانوۆ اتىنداعى سىيلىق نۇر-سۇلتان قالاسىنىڭ قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترىنىڭ اكتەرى مەيرام قايسانوۆقا, قونىسبەك بەگايداروۆ اتىنداعى سىيلىق قوستاناي وبلىستىق ءىلياس وماروۆ اتىنداعى قازاق دراما تەاترىنىڭ اكتيورى ازامات شوكەەۆكە, سەرىك بۇلعاقباەۆ اتىنداعى سىيلىق جەزقازعان قالاسىنىڭ سەركە قوجامقۇلوۆ اتىنداعى قازاق مۋزىكالىق دراما تەاترىنىڭ اكتەرى ارداق جارقىنبەكوۆكە, رايحان يبراەۆا اتىنداعى سىيلىق جەزقازعان قالاسىنىڭ سەركە قوجامقۇلوۆ اتىنداعى قازاق مۋزىكالىق دراما تەاترىنىڭ اكتريساسى قارلىعاش بايداليناعا جانە قايرات كەمالوۆ اتىنداعى سىيلىق قاراعاندى وبلىستىق ساكەن سەيفۋللين اتىنداعى قازاق دراما تەاترىنىڭ اكتەرى ەسەي ناۋرىزبايعا تابىس ەتىلدى.

ال قازاقستان حالقى اسسامبلەياسىنىڭ 25 جىلدىعىنا ارنالعان "دوستىق" ارنايى سىيلىعىمەن قاراعاندى وبلىسىنىڭ اكىمى اپپاراتى حاتشىلىعىنىڭ باس ينسپەكتورى گۇلفايرۋز رىمبەكوۆا ماراپاتتالدى.

ماراپات يەلەرىنە "تۇلعا" سىيلىعىنىڭ ارنايى جاسالعان مۇسىنشەلەرى, ديپلومدار مەن توسبەلگىلەر جانە اقشالاي سىيلىقتار تابىس ەتىلدى.