تالعات ءۋالي توتەنشە جاعدايلار مينيسترلىگىنىڭ رەسمي وكىلى بولىپ تاعايىندالدى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
تالعات قانات ۇلى ءۋالي 1988 جىلى شقو تارباعاتاي اۋدانى اقسۋات اۋىلىندا دۇنيەگە كەلگەن.
2009 جىلى «قاينار» سەمەي ۋنيۆەرسيتەتىن ەكونوميست ماماندىعى بويىنشا اياقتاعان.
ەڭبەك جولىن 2010 جىلى سەمەي قالالىق تۆك-6 تەلەارناسىندا جۋرناليست قىزمەتىنەن باستاعان.
2011 «قازاقستان» رترك سەمەي فيليالىندا رەداكتور-جۇرگىزۋشى,
2012 جىلى «ەرا» جشس جەتىنشى ارنا تەكەكومپانياسىنىڭ جاڭالىقتار قىزمەتىندە جۋرناليست بولىپ جالعاستىردى.
2015 جىلى «حابار» اگەنتتىگى» اق جاڭالىقتار قىزمەتىندە جۋرناليست بولىپ جۇمىس ىستەگەن.
2016 جىلدان باستاپ «Atameken Business» مۋلتيمەديالىق تەلەارناسىنىڭ جاڭالىقتار قىزمەتىندە ارنايى ءتىلشى, تەلەجۇرگىزۋشى جانە پرەزيدەنتتىك پۋل ءجۋرناليستى بولىپ قىزمەت اتقاردى.
2019 جىلى قر قارجى مينيسترلىگى مەملەكەتتىك كىرىستەر كوميتەتىنىڭ رەسمي وكىلى بولعان.
2020 جىلى قر ەكولوگيا, گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتىندە ەڭبەك ەتكەن.