«ەڭبەك» باعدارلاماسىنان – كاسىپكەرلىككە

ماسەلەن, شورتاندى اۋىلىنداعى ءۇش بالانىڭ اناسى ءمادينا قاليبەكوۆا «باستاۋ بيزنەس» جوباسى بويىنشا وقۋدان وتكەن سوڭ گرانت الىپ, كوكونىس ساتا باستادى.

«مەنىڭ كۇيەۋىم دارىگەر, جۇمىسىنا بايلانىستى وسىندا كوشىپ كەلدىك. ۇيدە ءبىراز وتىرىپ قالدىم. سودان كەيىن جولداسىم ماعان وسى جوبا تۋرالى ايتتى. جازدا وقۋدان ءوتىپ, سەرتيفيكات پەن وعان قوسا گرانت الدىم. بىرنەشە اي بۇرىن ازىق-ت ۇلىك دۇكەنىن اشتىق. جاقىندا بيزنەستى كەڭەيتۋ ءۇشىن تاعى دا نەسيە الۋعا تىرىسىپ كورۋگە بولاتىنىن ءبىلدىم. بايقاپ كورەمىن, سەبەبى جوسپارلارىم بار», دەيدى ءمادينا قاليبەكوۆا.

ال سوفيەۆكا اۋىلدىق وكرۋگىندە تۇرا­تىن كوپبالالى انا ءابىلحان نۇرشاش كاسىپ­كەرلىكتى دامىتۋدىڭ باسقا باعىتىن تاڭدادى. ول مال شارۋاشىلىعىن دامىتۋ ءۇشىن نەسيە الدى. قازىر ونىڭ شارۋا­شىلى­عىندا 15 باس ءىرى قارا مال بار.

«قىركۇيەك ايىنداعى جاعداي بويىنشا «ەڭبەك» باعدارلاماسى اياسىندا كاسىپكەرلىك قىزمەتتى دامىتۋعا 486 شاعىن نەسيە جانە 540 گرانت بەرىلدى. «باستاۋ بيزنەس» جوباسى اياسىندا 1 120 ادام كاسىپكەرلىك نەگىزدەرىن ۇيرەندى», دەدى اقمولا وبلىسى جۇمىسپەن قامتۋدى جانە الەۋمەتتىك باعدارلامالاردى ۇيلەستىرۋ باسقارماسىنىڭ باسشىسى دينا احمەتجانوۆا.

باسقارمانىڭ مالىمەتىنشە, وبلىستا 14 مىڭنان استام ادام «ەڭبەك» باعدار­لاماسىنىڭ قاتىسۋشىسى بولدى. 10 مىڭ ادام ەڭبەكپەن قامتىلدى, ونىڭ 6,6 مى­ڭى تۇراقتى جۇمىسقا, الەۋمەتتىك جۇمىس ورىندارىنا – 490 جانە قوعامدىق جۇمىس­تارعا 2 884 ادام ورنالاستى. 786 قازاق­ستان­دىق جاستار تاجىريبەسىنە جولداندى. قىس­قامەرزىمدى كاسىپتىك وقۋعا 702 ادام تارتىلدى, ال 1 قىركۇيەكتەن باستاپ وبلىستا 9-11 سىنىپتاردىڭ 1 190 تۇلەگى تەحنيكالىق جانە كاسىبي ورتا ءبىلىم ورىندارىندا وقۋدى باستادى.

جالپى ەلىمىز بويىنشا وسى جىلى «ەڭبەك» باعدارلاماسىنا 430 مىڭ ادام قاتىسىپ, ولارعا ءتۇرلى قولداۋ شارالارى كورسەتىلدى. 279,8 مىڭ ادام جۇمىسپەن قامتىلسا, ونىڭ ىشىندە 146,7 مىڭ ادام تۇراقتى جۇمىسقا كىردى. 159,8 مىڭ ادام سۋبسيديالاناتىن جۇمىس ورىندارىمەن قامتىلدى. بيزنەس-يدەيالاردى دامىتۋعا 6,9 مىڭ ميكروكرەديت جانە 20 مىڭ قايتارىمسىز گرانت بەرىلدى. 30 مىڭ ازامات كاسىپكەرلىك نەگىزدەرىنە قىسقامەرزىمدى وقۋدان وتۋدە.