11 قازاندا سەنات دەپۋتاتى تالعات مۇساباەۆ تمد ەلدەرىنىڭ پارلامەنتارالىق اسسامبلەياسىنان تاجىكستانداعى پرەزيدەنت سايلاۋىندا حالىقارالىق بايقاۋشىلار توبىنىڭ قۇرامىنداعى جۇمىستارعا قاتىستى, دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.
مونيتورينگ جۇرگىزەتىن توپ ولي ماجىلىسى(پارلامەنتتىڭ) ەكى پالاتاسىنىڭ باسشىلىعىمەن, تاجىكستان پرەزيدەنتى لاۋازىمىنا ۇمىتكەرلەرمەن, تاجىكستان رەسپۋبليكاسى سايلاۋ جانە رەفەرەندۋم جونىندەگى ورتالىق كوميسسياسىنىڭ باسشىلىعىمەن كەزدەستى.
تاجىكستان پارلامەنتىنىڭ تومەنگى پالاتاسىنىڭ توراعاسى تمد پارلامەنتارالىق اسسامبلەياسىنىڭ سايلاۋدى بايقاۋدىڭ دەموكراتيالىق ينستيتۋتىن دامىتۋ ىسىندەگى ماڭىزدى ءرولىن اتاپ ءوتتى. ول دوستاستىق ەلدەرىنىڭ پارلامەنتشىلەرىنىڭ ناتيجەلى ءارى ءتيىمدى جۇمىس اتقارۋىنا تىلەكتەستىگىن ءبىلدىردى.
سايلاۋ جانە رەفەرەندۋم جونىندەگى ورتالىق كوميسسيانىڭ توراعاسى تاجىكستاننىڭ وكرۋگتىك جانە ۋچاسكەلىك سايلاۋ كوميسسيالارىنىڭ قىزمەتى تۋرالى ايتىپ بەردى. ول سايلاۋعا 167 حالىقارالىق بايقاۋشى مەن ءتۇرلى ەلدەردەن 270-تەن استام جۋرناليست تىركەلگەنى تۋرالى شەتەلدىك دەلەگاتتاردى حاباردار ەتتى.
تاجىكستان اۋماعىندا پرەزيدەنت سايلاۋىنا 68 وكرۋگتىك جانە 3375 ۋچاسكەلىك سايلاۋ كوميسسيالارى قۇرىلعان بولاتىن, سونىمەن قاتار 29 شەت ەلدە داۋىس بەرۋگە ارنالعان تاعى 39 ۋچاسكە اشىلدى.