10 قازاندا قازاقستان پارلامەنتى سەناتىنىڭ دەپۋتاتى تالعات مۇساباەۆ تمد ەلدەرىنىڭ پارلامەنتارالىق اسسامبلەياسىنىڭ حالىقارالىق بايقاۋشىلار توبىنىڭ جۇمىسىنا قاتىسادى, دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.
سەناتور بايقاۋشىلار توبىنىڭ قۇرامىندا تاجىكستاننىڭ ماجليسي ولي (پارلامەنتى) ەكى پالاتاسىنىڭ باسشىلارىمەن كەزدەسۋدى جوسپارلاپ وتىر. سايلاۋ جانە رەفەرەندۋم جونىندەگى ورتالىق كوميسسيانىڭ توراعاسىمەن جۇزدەسۋدە سايلاۋ ناۋقانىنىڭ بارىسى مەن ەلدىڭ پرەزيدەنت سايلاۋىنا دايىندىعى تالقىلاناتىن بولادى. سونداي-اق پرەزيدەنت لاۋازىمىنا ۇمىتكەرلەردىڭ سايلاۋالدى شتابتارىنىڭ باسشىلارىمەن كەزدەسۋلەر دە جوسپارلاندى.
تالعات مۇساباەۆتىڭ بايقاۋشى رەتىندەگى جۇمىسى 11 قازاندا دۋشانبەدە سايلاۋ ۋچاسكەلەرىن اشۋدان جانە داۋىس بەرۋ پۋنكتتەرىن ارالاۋدان باستالادى. سايلاۋ ۋچاسكەلەرى جابىلعاننان كەيىن تمد ەلدەرىنىڭ پارلامەنتارالىق اسسامبلەياسىنىڭ وكىلدەرى قورىتىندى كەڭەسكە جينالادى. بايقاۋشىلار ءوز قورىتىندىسىن سايلاۋدان كەيىنگى كەلەسى كۇنى قورىتىندى ءباسپاسوز ءماسليحاتىندا جاريالايدى.