الەۋمەتتىك اقپاراتتىق تەحنولوگيالاردىڭ الەۋەتى

ء«بىز قازاقستاندىقتاردىڭ كارانتين جاع­دايىندا دا قاجەتتى قىزمەتتەردى الۋىنا جاعداي جاساۋ­­دى الدىمىزعا ماقسات ەتىپ قويدىق ءارى بۇل رەتتە ولاردىڭ ءومىرى مەن دەنساۋلىعىنا نۇق­سان كەلمەۋىن قا­داعالاۋ كەرەك بولدى. ول ءۇشىن كوم­پانيامىزدىڭ بارلىق رەسۋرس­تارىن جۇمىلدىرىپ, حالىققا تسيفر­لىق تەحنولوگيالارمەن قول­داۋ كورسەتۋدىڭ اناعۇرلىم باسىم باعىتتارىن ايقىندادىق. ەڭ الدىمەن مەم­لەكەتتىك جانە الەۋ­مەتتىك قىزمەتتەرگە, حالىقتى اقپا­راتتاندىرۋعا, سونىمەن قاتار قاشىقتان وقىتۋ ماسەلەسىنە دەن قوي­دىق», دەدى BTS Digital كومپانيا­سىنىڭ باسشىسى نۇرتاي ابىلعاليەۆ.

كومپانيا كەز كەلگەن ادام 42 500 تەڭگە مول­شەرىندەگى الەۋمەتتىك كومەكتى الۋعا ءوتىنىم بەرە الاتىن 42500enbek.kz سايتىن ىسكە قوستى. ازىر­لەنگەن سايت مەملەكەتتەن كومەك الۋدىڭ ازداعان تاسىلدەرىنىڭ بىرىنە اينالدى. ناتيجەسىندە 2 ملن-نان استام ازامات قارجىلاي كومەككە ۋاقتىلى قول جەت­كىزدى.

سونىمەن قاتار كومپانيا eGov.kz­ ەلەكتروندى ۇكىمەت پورتالىنا Digital ID تسيفرلىق سايكەستەندىرۋ جۇيەسىن ەنگىزدى. جوبانىڭ باستى ماقساتى – قازاقستاندىقتارعا مەم­لەكەتتىك جانە ءبىلىم بەرۋ قىز­مەت­تەرىن ۇيدەن شىقپاستان الۋ مۇم­كىندىگىن ۇسىنۋ. ول ءۇشىن سايت­قا تىر­كەلىپ, پايدالانۋشىنىڭ فو­تو­سۋرەتى مەن ۆيدەوسى, سونىمەن بىر­گە جەكە كۋالىگىنىڭ نەمەسە تول­قۇ­جاتىنىڭ ۇلگىلەرى ارقىلى ونلاين-ساي­كەستەندىرۋدەن ءوتۋ جەتكىلىكتى بول­دى. جۇيە دەرەكتەردى اۆتوماتتى تۇردە سالىستىرىپ, پايدالانۋشى تۇلعاسىنىڭ ونىڭ قۇجاتتارىمەن سايكەس كەلەتىنىن انىقتاپ وتىردى. وسىلايشا, كارانتين كەزىندە 1,7 ملن-نان استام جەكە جانە 113 مىڭ زاڭدى تۇلعا ەتسق الىپ, مەملەكەتتىك قىزمەتتەردى حالىققا قىزمەت كورسەتۋ ورتالىقتارىنا بارۋ قاجەتتىلىگىنسىز پايدالاندى.

كومپانيانىڭ كەلەسى الەۋمەتتىك جو­باسى مەكتەپ تۇلەكتەرىن ۇبت-عا­ جانە ماگيسترانتتاردى كەشەندى ەم­­تيحانعا تىركەۋ كەزىندە Digital ID-ءدى پايدالانۋ بولدى. تسيفرلىق سايكەستەندىرۋ جۇيەسى ارقىلى ۇبت تاپسىرۋشىلاردىڭ 82%-ى جانە ماگيس­ترانتتاردىڭ 98%-ى ونلاين تىركەلدى.

«تاجىريبە كورسەتكەندەي, قىزمەت­تەردى ونلاين الۋعا باعىتتالعان جو­بالار كوروناۆيرۋس پاندەمياسى كەزىندە الدەقايدا ءتيىمدى بولىپ شىقتى. بۇل بارلىعىمىزعا الەۋمەتتىك قاشىقتىقتى ساقتاپ, قاجەتتى قىزمەتتەردى ونلاين الۋعا مۇمكىندىك بەرە­دى. ءبىز ازىرلەگەن تسيفرلىق سايكەستەندىرۋ تەحنولوگيا­سى ميلليونداعان قازاقستاندىققا پايدا­سىن تيگىزگەنىنە قۋانىش­تىمىن», دەدى ن.ابىلعاليەۆ.

وعان قوسا, BTS Digital كومپانيا­سى Aitu Birge بىرىڭعاي كوممۋني­كاتسيا ورتالىعىن قۇرىپ, وندا دارى­­گەرلەردىڭ الدىڭعى قاتارلى ادىس­تەمەلەرىن پايدالانا وتىرا, ناق­­تى جاعدايداعى ەڭ دۇرىس ءىس-ارە­كەت ال­گوريتمىن اۆتوماتتى تۇردە ۇسى­­ناتىن ازامات­تاردىڭ ءوزىن-ءوزى دياگ­نوس­تي­كالاۋ بىرەگەي بوتىن ىسكە قوستى.

كومپانيانىڭ تاعى ءبىر ازىرلەمەسى help.coronavirus2020.kz سايتى ازاماتتار مەن مەملەكەت اراسىنداعى قاتىناستىڭ باستى الاڭىنا اينالدى. اتالعان سايتتا كەز كەلگەن ادام الەۋمەتتىك كومەك الۋ جانە ۆيرۋسپەن كۇرەس ادىستەرى جونىندە ساراپشىلارعا سۇراق قويۋ مۇمكىندىگىنە يە بولدى. سايت جۇمىسى كەزىندە 41 مىڭ سۇراتۋ وڭدەلدى.

جۇرگىزىلگەن جۇمىس بارىسىندا كوپتەگەن الەۋمەتتىك ماڭىزدى جوبالاردى ءبىر ورتاعا توعىس­تىرعان Aitu ەكوجۇيەسى ايرىقشا ءرول اتقاردى. ونىڭ كومەگىمەن 1 ملن-نان استام قازاقستاندىق سمارت­فون ارقىلى ەلىمىزدىڭ كەز كەلگەن وڭىرىنەن ازىق-ت ۇلىك پەن العاشقى قاجەتتىلىك تاۋارلارىنا تاپسىرىس بەرىپ, جاڭالىقتار مەن اقپاراتتارعا, تانىمدىق ءارى ويىن-ساۋىق سەرۆيستەرىنە جانە دامۋ مۇمكىندىكتەرىنە قول جەتكىزدى.

«ات-كومپانيا وكىلى رەتىندە پاندەميا سالدارىمەن ءتيىمدى كۇرەسۋدە تەحنولوگيا اتاۋلىنىڭ ۇلكەن كومەك بەرەتىنىنە سەنىمدىمىن. ويتكەنى سول ارقىلى قازاقستاندىقتار قا­جەت­تى قىزمەتتەردى ونلاين الىپ, الەۋ­مەت­­تىك قاشىقتىقتى ساقتاي الادى. سون­دىقتان كومپانيامىزدىڭ الدىندا تۇرعان كەزەكتى مىندەت – ءارى قاراي دا الەۋمەتتىك, قايىرىمدىلىق جانە ۆو­لونتەرلىك قىزمەتتەر ميسسيا­سى تۇيىس­كەن جوبالاردى ازىرلەۋ. ءبىز تسيفر­لى تەحنولوگيالاردىڭ قا­زاق­ستانداعى ءومىردى جاقسىراق, جە­ڭىلىرەك ءارى ىڭعايلىراق ەتەتىنىنە سەنەمىز», دەدى ن.ابىلعاليەۆ.

جۋىردا كوروناۆيرۋس پاندەمياسىمەن كۇرەسكە قوسقان ۇلەسى ءۇشىن BTS Digital كومپانياسىنىڭ باس ديرەكتورى ن.ابىلعاليەۆ «حالىق العىسى» مەدا­لىمەن ماراپاتتالعانىن ايتا كەتە­لىك.