پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا ەكونوميكانى ودان ءارى ءارتاراپتاندىرۋ جونىندەگى تاسىلدەر قارالدى, ونىڭ ىشىندە ازاماتتاردىڭ تابىسىن ارتتىرۋعا باسا نازار اۋدارىلدى, دەپ حابارلايدى Egemen.kz.
ۇكىمەتتىڭ كەڭەيتىلگەن وتىرىسىندا بەرىلگەن پرەزيدەنت تاپسىرمالارىن ورىنداۋ بويىنشا ەكونوميكانى ودان ءارى ءارتاراپتاندىرۋ جونىندەگى تاسىلدەر قاراستىرىلىپ جاتىر.
«مەملەكەت باسشىسى ءبىزدىڭ الدىمىزعا ونىمدىلىكتى ارتتىرۋ جانە تەحنولوگيالىق جاڭارۋ ەسەبىنەن ءوسىمدى قامتاماسىز ەتۋ مىندەتىن قويدى.بۇل ەكونوميكالىق ساياساتتى تۇپكى ناتيجەگە, ياعني حالىقتىڭ تابىسىن ۇلعايتۋ جانە ەكونوميكالىق دەربەستىكتى نىعايتۋعا قاراي باعىتتاۋعا مۇمكىندىك بەرەدى. ءدال وسى تۇستا وڭدەۋ سالاسىن ءارتاراپتاندىرۋ جانە ونى بەلسەندى دامىتۋ ماڭىزدى ءرول اتقارادى», دەپ اتاپ ءوتتى پرەمەر-مينيستر.
ەسكە سالا كەتەيىك, قاسىم-جومارت توقاەۆتىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىندا پرەمەر-مينيستر ولجاس بەكتەنوۆ حالىق تابىسىنىڭ ءوسۋىن قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى باياندادى. وندا ازاماتتاردىڭ تابىس دەڭگەيىنىڭ ارتۋى ەكونوميكانىڭ ءوسۋ قارقىنىنا سايكەس كەلمەيتىنى اتاپ ءوتىلدى.