ەلىمىزدە اۆتوكومپونەنتتەر ءوندىرىسىن لوكاليزاتسيالاۋ ورتالىعى قۇرىلىپ, سالاداعى ىشكى ءوندىرىس ۇلەسىن ارتتىرۋ كوزدەلىپ وتىر, دەپ جازادى Egemen.kz.
ۇكىمەت وتىرىسىندا ونەركاسىپ جانە قۇرىلىس ءمينيسترى ەرسايىن ناعاسپاەۆ اۆتوموبيل جاساۋ سالاسى وتكەن جىلى رەكوردتىق ءوسىم كورسەتكەنىن اتاپ ءوتتى. ونىڭ ايتۋىنشا, اۆتوكولىك ءوندىرىسى ماشينا جاساۋ سەكتورىنىڭ 41,7 %-ىن قۇراپ, 171 مىڭنان استام تەحنيكا شىعارىلعان. سونىڭ 159 مىڭى – جەڭىل اۆتوموبيل.
ەلىمىزدە اۆتوكولىك ءوندىرىسى قارقىندى دامىپ جاتىر
سالاداعى سەرپىندى دامۋ جاڭا ءوندىرىس ورىندارىنىڭ اشىلۋىمەن جالعاسىپ جاتىر. الماتىدا Chery, Haval, Changan برەندتەرىن قۇراستىراتىن مۋلتيبرەندتى زاۋىت ىسكە قوسىلسا, قوستانايدا Kia Qazaqstan كاسىپورنى جۇمىسىن باستادى. جوعارى تەحنولوگيالى بۇل وندىرىستەر اۆتوكومپونەنتتەردى ەل ىشىندە شىعارۋعا جول اشىپ وتىر.
وتكەن جىلى الماتى يندۋستريالىق ايماعىندا اۆتوكومپونەنتتەر تەحنوپاركى پايدالانۋعا بەرىلدى. مۇندا اۆتوكولىكتەرگە ارنالعان مۋلتيمەديا جۇيەلەرى مەن ورىندىقتار شىعارىلادى. ساران قالاسىندا Tengri Tyres زاۋىتى اۆتوموبيل شينالارىن ءوندىرىپ جاتىر. ال قوستانايداعى KamLitKZ كاسىپورنىندا زاماناۋي اۆتوماتتاندىرىلعان جۇيەلەرگە نەگىزدەلگەن شويىن قۇيۋ ءوندىرىسى ىسكە قوسىلعان.
بۇعان قوسا Allur كومپانياسى اۆتوكومپونەنتتەر ءوندىرىسىن لوكاليزاتسيالاۋ ورتالىعىنىڭ قۇرىلىسىن باستاپ كەتتى. بۇل جوبا وتاندىق وندىرۋشىلەردىڭ تەحنولوگيالىق الەۋەتىن كۇشەيتىپ, قوسالقى بولشەكتەر يمپورتىن ازايتۋعا مۇمكىندىك بەرەدى.
كولىك ءوندىرىسى: جاڭا جوبالار جانە تۇتىنۋشى تاڭداۋى
الداعى 3 جىلدا جىلىتۋ جانە كونديتسيونەرلەۋ جۇيەلەرى, تەجەگىش تەتىكتەرى, سالون مەن ەدەنگە ارنالعان پلاستيكالىق بولشەكتەردى ەل ىشىندە شىعارۋ جوسپارلانىپ وتىر. وسىلايشا, اۆتوموبيل ونەركاسىبىندە قوسىلعان قۇن تىزبەگى كەڭەيىپ, وتاندىق ءوندىرىستىڭ باسەكەگە قابىلەتى ارتا تۇسپەك.
اۆتوكولىك وندىرىسىندە ءوسىم بار