وتاندىق وندىرۋشىلەر قازاق سۋ شارۋاشىلىعى عىلىمي-زەرتتەۋ ينستيتۋتى (قازسشعزي) ازىرلەگەن سۋ ۇنەمدەۋ قۇرىلعىلارىن كوممەرتسيالاندىرۋدى جوسپارلاپ وتىر, دەپ حابارلايدى Egemen.kz.
«عىلىمي نەگىزدەلگەن سۋ ۇنەمدەيتىن سۋارۋ تەحنولوگيالارىن ۇيىمداستىرۋ جانە ەنگىزۋ» جوباسى شەڭبەرىندە قازسشعزي ازىرلەگەن, پايدالانۋ تيىمدىلىگى جاقسارتىلعان جاڭبىرلاتىپ سۋارۋ ماشينالارىن نارىققا شىعارۋ جوسپارلانىپ وتىر.
اۋىل شارۋاشىلىعىنا سۋ ۇنەمدەۋ تەحنولوگيالارى ەنگىزىلەدى
سۋ رەسۋرستارى جانە يرريگاتسيا مينيسترلىگىنىڭ مالىمەتىنشە, جوبانىڭ نەگىزگى مىندەتتەرىنە جاڭبىرلاتقىش ساپتامالار مەن جاڭبىرلاتىپ سۋارۋ ماشينالارىن ءوندىرۋ, شىعارىلاتىن ءونىمدى سەرتيفيكاتتاۋ, سونداي-اق جاڭبىرلاتىپ سۋارۋ ماشينالارىن قازاقستان نارىعىندا ساتۋ جانە كەيىن ەكسپورتقا شىعارۋ كىرەدى.
«جوبانى ىسكە اسىرۋ يمپورتتىق كومپونەنتتەردى قازسشعزي ازىرلەگەن وتاندىق ونىمدەرمەن الماستىرۋعا مۇمكىندىك بەرەدى. بۇل جاڭبىرلاتىپ سۋارۋ ماشينالارىنىڭ وزىندىك قۇنىن تومەندەتىپ, وتاندىق تەحنيكانىڭ باسەكەگە قابىلەتتىلىگىن ارتتىرادى», دەدى قازسشعزي باس ديرەكتورى سەرىك سايروۆ.
سۋ ۇنەمدەۋ تەحنولوگيالارىن دامىتۋعا 214 ملرد تەڭگە بولىنەدى