ەل ايماقتارىندا جىل سايىن قازان ايىنىڭ ەكىنشى جەكسەنبىسىندە اتاپ وتىلەتىن مۇگەدەكتىگى بار تۇلعالار كۇنىنە وراي بىرقاتار ءىس-شارا وتكىزىلەدى. وسى ايدىڭ ورتاسىنا دەيىن ەرەكشە قاجەتتىلىكتەرى بار ادامدار ءۇشىن دەنساۋلىقتارىن, تۇرمىستىق جاعدايلارىن جاقسارتۋعا جانە تاعى باسقا باعىتتارعا ارنالعان اكتسيالار ۇيىمداستىرىلادى.
بۇل ءۇشىن ەڭبەك جانە حالىقتى الەۋمەتتىك قورعاۋ مينيسترلىگى ارنايى ءىس-شارالار جوسپارىن ازىرلەدى. ۆيتسە-مينيستر ەرلان اۋكەنوۆتىڭ ايتۋىنشا, بۇل مەرەكەلىك جانە سالتاناتتى ءىس-شارالاردى, قايىرىمدىلىق قولۇشىن سوزۋدى جانە باسقا دا اكتسيالاردى قامتيدى.
بارلىق ءىس-شارالار مىندەتتى تۇردە الەۋمەتتىك اراقاشىقتىقتى جانە كارانتيندىك قاۋىپسىزدىك شارالارىن ساقتاي وتىرىپ وتكىزىلەدى. مىسالى, مەديتسينالىق-الەۋمەتتىك مەكەمەلەردە جانە دارىگەرلىك امبۋلاتوريالاردا مۇگەدەكتىگى بار تۇلعالارعا ونلاين رەجىمدە «اشىق ەسىك كۇندەرى» وتۋدە. قاجەت بولسا, دەنساۋلىقتى تەكسەرۋ ۇيدە قولعا الىنادى. سونداي-اق جەرگىلىكتى اتقارۋشى ورگاندار مۇمكىندىگى شەكتەۋلى جاندار تۇراتىن وتباسىلاردىڭ تۇرمىستىق جاعدايىنا زەر سالىپ, ولارعا الەۋمەتتىك ماسەلەلەردى شەشۋدە قاجەتتى كومەك كورسەتىلەدى. سونىمەن قاتار قايىرىمدىلىق اكتسيالارى اياسىندا مۇگەدەكتىگى بار اۋىر ناۋقاس ازاماتتارعا بارۋ جوسپارلانعان, ولارعا ازىق-ت ۇلىك سەبەتتەرى بەرىلەدى. بۇدان تىس, مۇگەدەكتىگى بار ادامدارعا كۇتىم جاسايتىن وتباسىلارعا قايىرىمدىلىق كومەك كورسەتىلەدى.
ۆيتسە-مينيستر مۇگەدەكتەردىڭ ءومىر ءسۇرۋ ساپاسىن جاقسارتۋ جونىندەگى جۇمىس قازاقستان رەسپۋبليكاسىندا 2025 جىلعا دەيىن مۇگەدەكتەردىڭ قۇقىعىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار شەڭبەرىندە كەشەندى تۇردە جۇرگىزىلىپ جاتقانىن اتاپ ءوتتى. ماسەلەن, مۇگەدەكتىگى بار جانداردىڭ ءومىر ءسۇرۋ ساپاسىن جاقسارتۋ ماقساتىندا قولدانىستاعى زاڭناماعا تۇزەتۋلەر ازىرلەندى (24 زاڭنامالىق اكتى مەن 3 كودەكسكە).
وسى ساناتتاعى ازاماتتاردى بەلسەندى جۇمىسقا تارتۋ ماسەلەلەرىنە ەرەكشە نازار اۋدارىلادى. قازىرگى ۋاقىتتا مۇگەدەكتىگى بار تۇلعالاردى ودان ءارى جۇمىسقا ورنالاستىرۋ ءۇشىن سۇرانىسقا يە ماماندىقتار بويىنشا وقىتۋ جۇرگىزىلۋدە. ماسەلەن, ەرەكشە قاجەتتىلىكتەرى بار 120 ادام IT ماماندىقتارى بويىنشا ءبىلىم الۋدا. بيزنەستە جۇرگەن نەمەسە ستارتاپ-جوبالارعا يە مۇگەدەكتىگى بار ادامدارعا اكسەلەراتسيا, اۋقىمدى كەڭەيتۋ, بيزنەس-تالىمگەرلىك, وقىتۋ, جاڭا نارىقتارعا شىعۋعا كومەكتەسۋ ماقساتىندا جاردەم جاسالادى.
سونىمەن بىرگە, اعىمداعى جىلدىڭ قاراشا ايىندا مۇگەدەكتىگى بار ادامدارعا ارنالعان ماماندىقتار اتلاسىن ازىرلەۋ اياقتالادى. بۇل جۇمىس بەرۋشىلەرگە, جۇمىسپەن قامتۋ ورتالىقتارىنا جانە جەكە HR-اگەنتتىكتەرگە, شەكتەۋ تۇرىنە بايلانىستى قولايلى بوس جۇمىس ورىندارىن ىرىكتەۋگە, ەلەكتروندى ەڭبەك بيرجاسى ارقىلى بوس جۇمىس ورىندارىن تاڭداۋدى اۆتوماتتاندىرۋعا مۇمكىندىك بەرەدى.