نۇر-سۇلتاندا قۇرىلىس, ساۋدا, تاماقتانۋ جانە دەنساۋلىق سالاسىنداعى مامانادىقتارعا سۇرانىس كوپ, دەپ حابارلايدى قالا اكىمدىگىنىڭ رەسمي سايتى.
اسىرەسە, جۇمىسشىلارعا, جۇك كولىگى جۇرگىزۋشىلەرى مەن مونتاجشىلارعا سۇرانىس جوعارى.
اتاپ ايتقاندا, قۇرىلىس سالاسىندا پروراب, شەبەر, تاس قالاۋشى, ارماتۋراشى, ينجەنەر-سمەتاشى, بەتونشى, تقۇ ينجەنەرى, ءارتۇرلى جۇمىس ىستەۋشى جۇمىسشىلار قاجەت بولسا, ساۋدا سالاسىندا ساتۋشى, كاسسير, مەنەدجەر, سۋپەرۆايزەر, مەرچەندايزەر كادرلاردىڭ تاپشىلىعى بايقالادى.
دەنساۋلىق ساقتاۋ سالاسىندا دارىگەر, مەدبيكە, سانيتارلاردىڭ جەتىسپەۋشىلىگى بار بولسا, تاماقتانۋ بويىنشا ءتۇرلى تاعامدار تسەحىنا اسپاز, اس-ءۇي قىزمەتكەرى, ناۋبايشى, كونديتەرلەردىڭ قاجەتىگى جوعارى.
بۇگىنگى, ياعني 7 قازان كۇنگى جايداي بويىنشا, «نۇر-سۇلتان قالاسى حالىقتى جۇمىسپەن قامتۋ ورتالىعى» مكك «ەلەكتروندىق ەڭبەك بيرجاسى» پورتالىندا سۇرانىسقا يە 1678 بوس ورىن جاريالاندى. 653 جۇمىس بەرۋشىدەن 5 712 بوس جۇمىس ورنى تىركەلگەن. ونىڭ ىشىندە 313-ءى – مۇمكىندىگى شەكتەۋلى ازاماتتارعا ارنالعان ۆاكانسيا.
سونداي-اق يكەمدى جۇمىس كەستەسى بار 89 جۇمىس ورنى تىركەلگەن. جاستارعا ارنالعان بوس ورىندار – 1315, پروباتسيا قىزمەتىندە ەسەپتە تۇرعان ازاماتتارعا 10 كاسىپورىنعا 394 بوس جۇمىس ورنى بەرىلگەن.
2 085 ادام 100 000 تەڭگە كولەمىندە جالاقى السا, 2 090 ادامعا 150 000 تەڭگەگە دەيىن ەڭبەكاقى تاعايىندالعان, ال 1 537 ادامنىڭ جالقىسى 150 000 تەڭگەدەن اسادى.ايتا كەتسەك, ەلوردالىق جۇمىسپەن قامتۋ ورتالىعى «جۇمىسپەن قامتۋ جول كارتاسى» جانە «ەڭبەك» مەملەكەتتىك باعدارلاماسى اياسىندا «جاستار تاجىريبەسى», «الەۋمەتتىك جۇمىس ورىندارى» جانە «قوعامدىق جۇمىستار» بويىنشا بوس جۇمىس ورىندارىن ۇسىنادى.
بارلىق قوسىمشا اقپاراتتى حالىقتى جۇمىسپەن قامتۋ ورتالىعىنىڭ cz.astana.kz رەسمي سايتىنان جانە الەۋمەتتىك جەلىلەردەن تابۋعا بولادى.