مانەرلەپ سىرعاناۋشى ميحايل شايدوروۆ مۇز ۇستىندە ءمىنسىز ونەر كورسەتىپ, اقپارات ايدىنىنداعى باستى تاقىرىپقا اينالدى. اسىرەسە الەمدىك باق وكىلدەرى سۋ جاڭا چەمپيون تۋرالى جارىسا جازىپ جاتىر, دەپ حابارلايدى Egemen.kz.
فينالعا شىققان التى سپورتشىنىڭ بەسەۋى ونەر كورسەتىپ جاتقاندا ءسۇرىنىپ, ۇپاي جوعالتتى. سولاردىڭ قاتارىندا بايگەنىڭ باستى ۇمىتكەرى سانالعان امەريكالىق يليا مالينين دە بولدى.
ميحايل شايدوروۆ – وليمپيادا چەمپيونى!
ال شايدوروۆ اسقان بايىپپەن, ونەرىن ءساتتى كورسەتىپ شىقتى.
ارماننان التىنعا دەيىن: ميحايل شايدوروۆتىڭ چەمپيوندىق جولى
قىتايدىڭ حالىقارالىق تەلەارناسىنا بەرگەن ەكسكليۋزيۆ سۇحباتىندا (CGTN) ميحايل شايدوروۆ التىن الامىن دەپ ويلاماعانىن ايتادى.
«مەن باعالار تاقتاسىن كورمەدىم. جالعىز عانا اڭعارعانىم – مەنىڭ ەلىمنىڭ بايراعى باسقالاردىكىنەن بيىك تۇر ەكەن. جەڭىسكە جەتكەنىمدى سوندا عانا ءتۇسىندىم», دەيدى ول.
شايدوروۆتىڭ بۇل جەتىستىگى قازاقستان سپورتىنىڭ تاريحىندا ايرىقشا ورىن الىپ, ەل مەرەيىن ۇستەم ەتتى. ونىڭ تابىسى تەك ءبىر جارىستىڭ جەڭىسى عانا ەمەس, تۇتاس ۇلتتىڭ رۋحىن كوتەرگەن ايتۋلى وقيعا رەتىندە باعالانىپ وتىر. سەبەبى بۇل ەلىمىزدىڭ قىسقى وليمپيادا ويىندارىنداعى سوڭعى 32 جىلداعى تۇڭعىش التىن مەدالى.
ميحايل شايدوروۆ وليمپياداداعى جەڭىسى ءۇشىن قانشا سىياقى الادى؟