م.اۋەزوۆ اتىنداعى وڭتۇستىك قازاقستان ۋنيۆەرسيتەتىندە ء«بىر بەلدەۋ – ءبىر جول» بيزنەس-ورتا قىزمەتتەرىن دامىتۋ جونىندەگى قىتاي ورتالىعى اشىلدى, دەپ حابارلايدى Egemen.kz.
قازاقستان مەن قىتاي اراسىنداعى ءبىلىم بەرۋ, عىلىم, ساراپتامالىق جانە ىسكەرلىك ىنتىماقتاستىقتى دامىتۋعا باعىتتالعان ورتالىقتىڭ اشىلۋىنا قىتاي حالىق رەسپۋبليكاسىنداعى سولتۇستىك-باتىس ساياسي عىلىمدار جانە قۇقىق ۋنيۆەرسيتەتىنىڭ عالىمدارى (Northwest University of Political Science and Law) وڭىردەگى «وڭتۇستىك» ارنايى ەكونوميكالىق ايماعىنىڭ باسقارۋشى كومپانياسى» اق وكىلدەرى, بيزنەس قاۋىمداستىق مۇشەلەرى, ۋنيۆەرسيتەتتىڭ پروفەسسور-وقىتۋشىلار قۇرامى قاتىستى.
– اۋەزوۆ ۋنيۆەرسيتەتىنىڭ بازاسىندا اشىلعان قىتاي ورتالىعىنىڭ اشىلۋىن ءبىز حالىقارالىق اكادەميالىق ىنتىماقتاستىقتى نىعايتۋدىڭ جاڭا كەزەڭى رەتىندە عانا ەمەس, سونداي-اق قازاقستان مەن قىتاي اراسىنداعى كاسىپكەرلىك بايلانىستاردى, ىسكەرلىك ورتانى جانە ەكونوميكالىق ىقپالداستىقتى دامىتۋعا باعىتتالعان ماڭىزدى ستراتەگيالىق الاڭ رەتىندە باعالايمىز. بۇگىندە شىمكەنت قالاسىندا 100-دەن اسا قىتايلىق كومپانيا جۇمىس ىستەيدى ەكەن. ءاربىر مەملەكەتتىڭ وزىندىك قۇقىقتىق جانە زاڭنامالىق ەرەكشەلىكتەرى بار ەكەنى بەلگىلى. وسىعان بايلانىستى ۋنيۆەرسيتەتتىڭ «زاڭ» فاكۋلتەتىنىڭ ماماندارى ورتالىق اياسىندا ەكى ەلدىڭ كاسىپكەرلەرىنە تىكەلەي قۇقىقتىق كەڭەس بەرىپ, جان-جاقتى قولداۋ كورسەتەدى جانە قۇقىقتىق سۇيەمەلدەۋ جۇمىستارى عىلىمي نەگىزدە جۇرگىزىلەدى, – دەپ اتاپ ءوتتى تاراپتار كەزدەسۋىندە م.اۋەزوۆ اتىنداعى وقۋ باسقارما توراعاسى-رەكتور دارحان احمەد زاكي.
سولتۇستىك-باتىس ساياسي عىلىمدار جانە قۇقىق ۋنيۆەرسيتەتىنىڭ پروفەسسورى ۆان يڭ يڭ China Center ۇزاق مەرزىمدى حالىقارالىق الاڭ رەتىندە قاراستىرىلىپ, الداعى ۋاقىتتا ورتالىق ازياداعى قازاقستان − قىتاي ىنتىماقتاستىعىنىڭ جەتەكشى وڭىرلىك ورتالىقتارىنىڭ بىرىنە اينالۋى كوزدەلىپ وتىرعانىن جەتكىزدى.
الماتىدا الەمدىك دەڭگەيدەگى Innotech ۋنيۆەرسيتەتى اشىلدى
اتاپ وتەيىك, ورتالىق قىزمەتى اياسىندا قازاقستاندىق جانە قىتايلىق كومپانيالارعا كونسۋلتاتسيالىق قىزمەت كورسەتۋمەن قاتار, بىرلەسكەن عىلىمي زەرتتەۋلەر ۇيىمداستىرۋ, حالىقارالىق فورۋمدار, ساراپتامالىق كەزدەسۋلەر مەن ءبىلىم بەرۋ باعدارلامالارىن وتكىزۋ, اكادەميالىق ۇتقىرلىقتى دامىتۋ جانە كادرلاردى بىرلەسىپ دايارلاۋ باعىتىنداعى جۇمىستار جۇزەگە اسىرىلاتىن بولادى.
سونىمەن قاتار, جوبا باۋىرلاستىق بايلانىس ورناتقان قازاقستاننىڭ ءۇشىنشى مەگاپوليسى – شىمكەنت قالاسى مەن سيان قالاسى اراسىنداعى ستراتەگيالىق سەرىكتەستىكتى ودان ءارى نىعايتۋعا, گۋمانيتارلىق, عىلىمي-ءبىلىم بەرۋ جانە ەكونوميكالىق ىنتىماقتاستىقتى كەڭەيتۋگە جاڭا مۇمكىندىك بەرەدى.
ايتا كەتەيىك, جاقىندا شىمكەنت قالاسىنداعى پەداگوگيكالىق ۋنيۆەرسيتەتتىڭ جانىنان تۇركيانىڭ گازي ۋنيۆەرسيتەتىنىڭ فيليالى جۇمىس ىستەي باستايدى.
بيىلدان باستاپ ۋنيۆەرسيتەتتەردىڭ ۇلتتىق رەيتينگىنە ىلىنبەگەن جانە تالاپتارعا ساي ەمەس جوعارى وقۋ ورىندارى مەملەكەتتىك قارجىلاندىرۋدان تولىق قاعىلادى.