شاحماتشى ءبيبىسارا اساۋباەۆا فريستايل-شاحماتتان وتكەن كورنەكى ويىندا كلاسسيكالىق شاحماتتىڭ الەم چەمپيونى الەكساندرا كوستەنيۋكتى ۇتتى. ءتورت پارتيادان تۇرعان كەزدەسۋ ءبيبىسارانىڭ پايداسىنا 2,5:1,5 ەسەبىمەن اياقتالدى, دەپ جازادى Egemen.kz.
گەرمانيادا وتكەن فريستايل-شاحماتتان الەم بىرىنشىلىگى بۇل جولى تەك ەرلەر اراسىندا ۇيىمداستىرىلدى. ال ايەلدەر باسەكەسى ءبيبىسارا اساۋباەۆا مەن الەكساندرا كوستەنيۋك اراسىنداعى ارنايى كورنەكى ماتچىمەن عانا شەكتەلدى. سونىڭ وزىندە بۇل كەزدەسۋدىڭ سالماعى جەڭىل بولعان جوق. ۇيىمداستىرۋشىلار 2027 جىلى ايەلدەر اراسىندا تولىق فورماتتاعى الەم چەمپيوناتىن وتكىزۋدى كوزدەپ وتىر. ال قازاقستاننىڭ شاحماتشىسى سول تۋرنيرگە قاتىسۋ مۇمكىندىگىن قازىردىڭ وزىندە يەلەنىپ وتىر.
سەنساتسيالىق ناتيجە: ءبيبىسارا اساۋباەۆا سۋپەرتۋرنيردە ۇزدىك بەستىككە ەندى
ويىن ناتيجەسىنە قاتىستى ءبيبىسارا اساۋباەۆا:
«جەڭىس ءاردايىم قۋانتادى. ال ەگەر ول الداعى الەم چەمپيوناتىنا جول اشسا, ونىڭ ءمانى تىپتەن بولەك», دەپ پىكىر ءبىلدىردى.
مەملەكەت باسشىسى ءبيبىسارا اساۋباەۆانى جەڭىسىمەن قۇتتىقتادى
ايتا كەتەيىك, فريستايل-شاحماتتا فيگۋرالار ءار پارتيا سايىن وزگەشە رەتپەن ورنالاستىرىلادى. بۇل ويىنشىلاردى دايىن قالىپتان شىعارىپ, ولاردىڭ ويلاۋ ەركىندىگىن, پوزيتسيالىق سەزىمتالدىعى مەن تاكتيكالىق شەبەرلىگىن تولىق اشۋعا ماجبۇرلەيدى. گەرمانياداعى جارىس تا وسى قىرىمەن كورەرمەن نازارىن اۋداردى.
شاحمات تاستارىنىڭ اتاۋى قايدان شىقتى؟