4 جاس عالىمعا پاتەر سەرتيفيكاتى تابىستالدى. عىلىم جانە جوعارى ءبىلىم مينيسترلىگىنىڭ تاراتقان اقپاراتىنا سۇيەنسەك, مەملەكەت باسشىسى قاسىم-جومارت توقاەۆتىڭ عىلىم سالاسىن دامىتۋ جانە جاس زەرتتەۋشىلەردى قولداۋ جونىندەگى تاپسىرماسىنا سايكەس بەرىلىپ وتىر, دەپ جازادى Egemen.kz
اتالعان يگى باستاما دارىندى جاستاردى ىنتالاندىرۋعا جانە ولاردىڭ الەۋمەتتىك جاعدايىن جاقسارتۋعا باعىتتالعان. عىلىم سالاسىنداعى سىيلىقتار مەن مەملەكەتتىك ستيپەنديا لاۋرەاتتارىن ماراپاتتاۋ راسىمىندە پرەزيدەنت اتىنان جاس عالىمدارعا باسپانا سەرتيفيكاتتارى سالتاناتتى تۇردە تابىستالدى.
عالىمدار وزگەرىستەردى قولدايدى
سالتاناتتى جيىندا جاس عالىمداردىڭ وتاندىق عىلىمدى دامىتۋداعى ەڭبەگى ەرەكشە اتاپ ءوتىلدى. پاتەر يەسى اتانعان عالىمداردىڭ زەرتتەۋ باعىتى گەوگرافيا, بالىق شارۋاشىلىعى, ءىت, فيزيكا, حيميا, اۋىل شارۋاشىلىعى جانە وزگە دە سالالاردى قامتيدى. سولاردىڭ ءبىرى – بالىق شارۋاشىلىعى عىلىمي-وندىرىستىك ورتالىعىنىڭ اكۆاكۋلتۋرا زەرتحاناسىنىڭ عىلىمي قىزمەتكەرى گۇلدانا ماراتوۆا. جاس عالىم ءوز سوزىندە 12 جىلدىق ەڭبەگىنىڭ ناتيجەسى جوعارى باعالانىپ جاتقانىنا قۋانىشتى ەكەنىن جەتكىزدى.
«بۇعان دەيىن ءوزىمنىڭ جەكە پاتەرىم بولمادى. بۇگىن ەكى بولمەلى پاتەردىڭ يەسى اتانىپ وتىرمىن. وتە قۋانىشتىمىن. عىلىممەن اينالىسىپ جۇرگەن جاس عالىمدارعا الەۋمەتتىك قولداۋ كورسەتكەنى ءۇشىن مەملەكەت باسشىسىنا جانە مينيسترلىككە العىسىمدى بىلدىرەمىن», دەدى گ. ماراتوۆا.
عالىمدار ءوز جوبالارىنا قالاي ءىرى قارجى تارتا الادى؟
پاتەر سەرتيفيكاتىنا يە بولعان جاس زەرتتەۋشىلەر عىلىمي جوبالارعا قاتىسىپ, بەدەلدى باسىلىمداردا ەڭبەكتەرىن جاريالاپ, وتاندىق عىلىمنىڭ باسەكەگە قابىلەتتىلىگىن ارتتىرۋعا ۇلەس قوسىپ كەلەدى.
ايتا كەتەيىك, جاس عالىمداردى تۇرعىن ۇيمەن قامتاماسىز ەتۋ جۇمىستارى جۇيەلى تۇردە جۇزەگە اسىرىلىپ جاتىر. بۇعان دەيىن دە پرەزيدەنتتىڭ اتىنان عىلىمي زەرتتەۋشىلەرگە پاتەر كىلتتەرى تابىستالعان بولاتىن.
الماتىلىق عالىمدار ءوندىرىس قالدىقتارىنان قۇرىلىس ماتەريالدارىن ازىرلەپ جاتىر