ەلىمىزدە الداعى رەفەرەندۋمعا جانە جاڭا كونستيتۋتسيا جوباسىنا ارنالعان referendum2026.kz رەسمي سايتى جۇمىسىن باستادى. بۇل ينتەرنەت-رەسۋرس «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسىن قولداۋ» جالپىۇلتتىق كواليتسياسىنىڭ باستاماسىمەن ازىرلەنىپ, ازاماتتارعا ۇسىنىلىپ وتىرعان وزگەرىستەردىڭ مازمۇنىن جان-جاقتى ءارى تۇسىنىكتى تۇردە تانىستىرۋدى ماقسات ەتەدى, دەپ حابارلايدى Egemen.kz.
اتالعان سايتتا نەگىزگى زاڭ جوباسىنىڭ تولىق ءماتىنى جاريالانعان. سونىمەن قاتار وزەكتى تالدامالىق ماتەريالدار, ساراپشىلار پىكىرى, كواليتسيانىڭ وڭىرلەردەگى جۇمىسىنا قاتىستى جاڭالىقتار تۇراقتى تۇردە جاڭارتىلىپ وتىرادى. پلاتفورما قۇرىلىمى قولدانۋشىلارعا قاجەتتى اقپاراتتى وڭاي تابۋعا, رەفەرەندۋمعا قاتىستى ساۋالدارىنا ناقتى جاۋاپ الۋعا مۇمكىندىك بەرەدى.
رەفەرەندۋم–2026. ونلاين-مارافون
اقپاراتتىڭ قولجەتىمدىلىگىنە ايرىقشا ءمان بەرىلگەن. ەرەكشە قاجەتتىلىكتەرى بار ازاماتتارعا ارنالعان بەيىمدەلگەن نۇسقا قاراستىرىلعان, سونداي-اق بەت پارامەترلەرىن جەكە قالاۋىنا ساي وزگەرتۋ مۇمكىندىگى بار. بۇل – رەسۋرستىڭ بارشاعا تەڭ دارەجەدە قولايلى بولۋىن قامتاماسىز ەتۋگە باعىتتالعان قادام.
قازاقستاندا جاڭا كونستيتۋتسيانىڭ جوباسى جاريالاندى
ءتۇسىندىرۋ ماتەريالدارىمەن قاتار, سايتتا كونستيتۋتسيانىڭ ءمانى مەن قوعام ومىرىندەگى ءرولىن تەرەڭىرەك ۇعىنۋعا كومەكتەسەتىن تاقىرىپتىق ماقالالار, بەينەماتەريالدار مەن ينتەراكتيۆتى فورماتتار ۇسىنىلعان. مۇنىڭ ءبارى ازاماتتاردىڭ رەفورمالاردىڭ مازمۇنىن تولىق ءتۇسىنىپ, سانالى تاڭداۋ جاساۋىنا جاعداي تۋعىزادى.
رەفەرەندۋم الەمدىك باق نازارىندا
اتالعان رەسۋرس – «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن» جالپىۇلتتىق كواليتسياسىنىڭ جۇيەلى جۇمىسىنىڭ جالعاسى. قۇرامىنا جەتەكشى ساياسي پارتيا وكىلدەرى مەن جۇزدەگەن قوعامدىق ۇيىم ەنگەن بىرلەستىك بۇگىندە ەلدىڭ بارلىق وڭىرىندە بەلسەندى جۇمىس جۇرگىزىپ كەلەدى. كەزدەسۋلەر مەن اشىق ديالوگ الاڭدارى ارقىلى جاڭا كونستيتۋتسيا جوباسىنىڭ نەگىزگى قاعيدالارى ءتۇسىندىرىلىپ, قوعامنىڭ وسى ۇدەرىسكە كەڭىنەن قاتىسۋىنا جول اشىپ جاتىر.
جاڭا كونستيتۋتسيا: كونستيتۋتسيا جوباسىنا ارنالعان «رەفەرەندۋم–2026» ونلاين-مارافونى مارەسىنە جەتتى