فيليپپين پرەزيدەنتى بەنيگنو اكينو ەل اۋماعىندا ورىن العان «حايان» تايفۋنى سالدارىنان قازا بولعان ادام سانىن الدىن الا بولجاۋدىڭ ءوزى قيىن ەكەنىن ايتادى. بۇل تۋرالى ريا «نوۆوستي» حابارلادى.
جەرگىلىكتى بيلىكتىڭ مالىمدەۋىنشە, الاپات تايفۋننىڭ سالدارىنان ەلدە 10 مىڭنان اسا ادام قازا بولعان. ءبىر عانا سامار ارالىندا 300-گە جۋىق ادام قازا تاۋىپ, 2 مىڭنان استامى ءىز-ءتۇسسىز جوعالعان.
«قولىمىزداعى دەرەكتەر تولىق بولماعاندىقتان, قانداي دا ءبىر ەسەپ بەرۋ ازىرگە وتە قيىن», – دەدى فيليپپين پرەزيدەنتى مانيلا قالاسىندا وتكەن تابيعي اپاتتىڭ سالدارىن جويۋ جونىندەگى جينالىستان كەيىن.
«حايان» تايفۋنى ءفيليپپيننىڭ ورتالىق بولىگىمەن شىعىستان باتىسقا قاراي جالعاسىپ, شامامەن 600 شاقىرىم جەردى جايپاپ ءوتتى.
ايدار ورىسباەۆ.