الماتى قالاسىنداعى قازاق ۇلتتىق اگرارلىق ۋنيۆەرسيتەتىندە قازاقستان رەسپۋبليكاسى اۋىل شارۋاشىلىعى ءمينيسترى اسىلجان مامىتبەكوۆتىڭ اشىق لەكتسياسى ءوتتى.
الماتى قالاسىنداعى قازاق ۇلتتىق اگرارلىق ۋنيۆەرسيتەتىندە قازاقستان رەسپۋبليكاسى اۋىل شارۋاشىلىعى ءمينيسترى اسىلجان مامىتبەكوۆتىڭ اشىق لەكتسياسى ءوتتى.
ون-لاين رەجىمىندە وتكەن بۇل لەكتسياعا س.سەيفۋللين اتىنداعى اگرارلىق ۋنيۆەرسيتەت پەن سەمەي قالاسىنداعى مەملەكەتتىك ۋنيۆەرسيتەتتىڭ وقىتۋشىلارى مەن ستۋدەنتتەرى قاتىستى.
«اگروبيزنەس-2020» جانە «ديپلوممەن – اۋىلعا!» دەپ اتالاتىن شاعىن بەينەباياندى تاماشالاعاننان سوڭ, مينيستر ۋنيۆەرسيتەت شاكىرتتەرى دايىنداعان اۋىلشارۋاشىلىق جوبالارىنىڭ كورمەسىمەن تانىستى.
مينيستر ءوز لەكتسياسىندا قازىرگى تاڭدا ەلىمىز ازىق-ت ۇلىككە دەگەن ءوز قاجەتتىلىگىن 80 پايىزعا قامتاماسىز ەتەتىندىگىن ايتا كەلىپ, ورتاشا ەسەپپەن العاندا جىلىنا 15,5 ميلليون توننا استىق ءوندىرىلىپ, ونىڭ 6 ميلليون تونناسى ەكسپورتقا شىعارىلىپ وتىرىلعانىن ءمالىمدەدى. بۇگىندە قازاقستان الەمدىك استىق ەكسپورتتاۋشى ەلدەردىڭ الدىڭعى وندىعىنا كىرەدى.
اۋىل شارۋاشىلىعى ونىمدەرى ەكسپورتىنىڭ كولەمى بىلتىرعى جىلعى ەسەپ بويىنشا, 3 ميلليارد اقش دوللارىنان اسىپ, 2012 جىلى شارۋاشىلىق جانە فەرمەرلىك قوجالىقتارداعى مال باسىنىڭ سانى 20,1 پايىزعا وسكەن. سونداي-اق, «سىباعا» باعدارلاماسىن قولعا الۋدىڭ ارقاسىندا اگرارلىق قۇرىلىمدارداعى ءىرى قارا مالدىڭ سانىنداعى انالىق مالدىڭ ۇلەسى 37,2 پايىزدان 43,9 پايىزعا جەتكەن.
ەل اۋماعىندا اۋىل شارۋاشىلىعىنا سالىنعان ينۆەستيتسيانىڭ ءوسىمى ەكونوميكانىڭ باسقا سالالارىمەن سالىستىرعاندا ەڭ جوعارى كورسەتكىشكە يە ەكەندىگىن العا تارتقان مينيستر ءالى دە بولسا بۇل سالانىڭ كەنجەلەپ تۇرعانىن باسا ايتتى. وسىدان كەيىن ول ستۋدەنتتەردىڭ قويعان ساۋالدارىنا جاۋاپ بەردى.
قانات ەسكەندىر,
«ەگەمەن قازاقستان».
الماتى.