اقتوبە قالاسى جىل وتكەن سايىن قاناتىن كەڭگە جايىپ كەلەدى. قالا ماڭىندا جاڭا شاعىن اۋداندار بوي تۇزەۋدە. جاقىندا «نۇر اقتوبە» شاعىن اۋدانىندا پايدالانۋعا بەرىلگەن №10 جانە №11 توعىز قاباتتى تۇرعىن ۇيلەردىڭ العاشقى 69 قونىستانۋشىلارىنا پاتەرلەر كىلتتەرى تاپسىرىلىپ, قونىس تويلارىن تويلادى. مۇنداعى وسى ەكى توعىز قاباتتى تۇرعىن ۇيدە جالپى العاندا 607 پاتەر بار. تۇرعىندارعا پاتەر كىلتتەرىن تاپسىرۋ سالتاناتىندا ءسوز العان قالا اكىمى ەرحان وماروۆتىڭ ايتۋىنشا, شاعىن اۋداندا بارلىق ينجەنەرلىك كوممۋنيكاتسيالار جۇرگىزىلگەن. تۇرعىن ۇيلەر ارنايى سالىنعان دەربەس بۋ قازاندىعى ارقىلى جىلىتىلادى, سۋ, كوگىلدىر وتىن جانە ەلەكتر جۇرگىزىلگەن. جىلۋدى ارنايى ورناتىلعان ەسەپتەگىش قۇرالى ارقىلى پاتەردەن رەتتەپ وتىرۋعا بولادى.
اقتوبە قالاسى جىل وتكەن سايىن قاناتىن كەڭگە جايىپ كەلەدى. قالا ماڭىندا جاڭا شاعىن اۋداندار بوي تۇزەۋدە. جاقىندا «نۇر اقتوبە» شاعىن اۋدانىندا پايدالانۋعا بەرىلگەن №10 جانە №11 توعىز قاباتتى تۇرعىن ۇيلەردىڭ العاشقى 69 قونىستانۋشىلارىنا پاتەرلەر كىلتتەرى تاپسىرىلىپ, قونىس تويلارىن تويلادى. مۇنداعى وسى ەكى توعىز قاباتتى تۇرعىن ۇيدە جالپى العاندا 607 پاتەر بار. تۇرعىندارعا پاتەر كىلتتەرىن تاپسىرۋ سالتاناتىندا ءسوز العان قالا اكىمى ەرحان وماروۆتىڭ ايتۋىنشا, شاعىن اۋداندا بارلىق ينجەنەرلىك كوممۋنيكاتسيالار جۇرگىزىلگەن. تۇرعىن ۇيلەر ارنايى سالىنعان دەربەس بۋ قازاندىعى ارقىلى جىلىتىلادى, سۋ, كوگىلدىر وتىن جانە ەلەكتر جۇرگىزىلگەن. جىلۋدى ارنايى ورناتىلعان ەسەپتەگىش قۇرالى ارقىلى پاتەردەن رەتتەپ وتىرۋعا بولادى.
– بۇل جاڭا اۋدان بولعاندىقتان, تۇرعىن ۇيلەردىڭ قاسبەتتەرىنە ايرىقشا كوڭىل ءبولىندى. تۇرعىن ۇيلەردىڭ قاسبەتتەرىنە ۆيتراجدى اينەكتەر پايدالانىلدى. اۋلانى, تروتۋارلاردى اباتتاندىرۋ ءۇشىن سوڭعى ءۇلگىدەگى پليتكالار قولدانىلدى. قۇرىلىسى ءجۇرىپ جاتقان سپورت الاڭىنا دا زاماناۋي جابىندىلار پايدالانىلاتىن بولادى. سونداي-اق, بالالارعا ارنالعان ويىن الاڭدارى سالىنادى, – دەدى شاھار باسشىسى.
ازىرگە وسى اۋلاداعى ءتورت تۇرعىن ءۇي ىسكە قوسىلسا, كورشىلەس اۋلاداعى 16 پودەزدىك تۇرعىن ءۇي دە جىل اياعىنا دەيىن پايدالانۋعا بەرىلەدى دەپ كۇتىلۋدە. قالا اكىمىنىڭ مالىمدەۋىنشە, وسى شاعىن اۋدانداعى تۇرعىن ۇيلەر 2020 جىلعا دەيىن تولىقتاي پايدالانۋعا بەرىلەدى. بولاشاقتا بۇل اۋداندا 250 مىڭ حالىق تۇرادى.
سوندىقتان دا «نۇر اقتوبە» شاعىن اۋدانىندا الەۋمەتتىك نىساندار جوسپارعا ساي سالىناتىن بولادى. «كابيەۆ ي ك»» جشس جاقىندا وسى اۋداندا «دينا» سۋپەرماركەتى قۇرىلىسىن باستاعالى وتىر. 1200 ورىندىق ورتا مەكتەپتىڭ, 320 ورىندىق بالاباقشانىڭ, كۇنىنە 500 ادام قابىلدايتىن ەمحانانىڭ جوبالاۋ-سمەتالىق قۇجاتتارىن جاساۋ اياقتالعان. قازىر بۇل قۇجاتتار مەملەكەتتىك ساراپتامادان وتۋدە. باسقا دا الەۋمەتتىك نىسانداردى سالۋعا ىنتالى كاسىپكەرلەر قاتارى كوپ كورىنەدى. ياعني, بۇل اۋدان دا كورىكتەنىپ, كوركەيىپ, تۇرعىندارعا قولايلى بولا تۇسەرى ءسوزسىز.
– قازىرگى تاڭدا «نۇر اقتوبە» شاعىن اۋدانى تولىقتاي ينجەنەرلىك كوممۋنيكاتسيالارمەن جابدىقتالعان. قازىر قولدارىنا پاتەر كىلتتەرى تيگەلى وتىرعان 69 وتباسىنىڭ 31-ءى 2013 جىلى باستاۋ العان «بارلىق ساناتتاعىلار ءۇشىن قولجەتىمدى باسپانا» باعىتى بويىنشا كەزەكتە تۇرعاندار. ولاردىڭ العاشقىدا جالعا الىپ, كەيىن پاتەرلەردى تولىق ساتىپ الۋعا مۇمكىندىكتەرى بار. قالعاندارى باعدارلامانىڭ تالاپتارىنا سايكەس ۋاكىلەتتى مەملەكەتتىك ورگاندا تىركەۋدەن ءوتىپ, ەكىنشى قايتارا تولەم قابىلەتتەرى دالەلدەنگەن تۇلعالار, –دەدى قالا اكىمى ەرحان وماروۆ.
شاھار باسشىسىنىڭ قولىنان پاتەر كىلتتەرىن العان تۇرعىنداردىڭ قۋانىشىندا شەك جوق. پاتەر كىلتتەرىن سالتاناتتى جاعدايدا تاپسىرعاننان كەيىن قالا اكىمى ەرحان وماروۆ پەن وسى تۇرعىن ۇيلەردىڭ قۇرىلىسىن جۇرگىزگەن «گلوبۋس» جشس ديرەكتورى يۋري پوپوۆ جاڭا ءۇيدىڭ كىرەبەرىسىنە كەرىلگەن لەنتانى قيدى. شاھار باسشىسى جاڭا قونىستانۋشىلاردىڭ جىلى ۇيالارىنا كىرىپ, ولاردى قۇتتىقتادى, ەمەن-جارقىن اڭگىمەلەستى, سۋ جاڭا باسپانانىڭ يگىلىگىن كورۋگە تىلەگىن ءبىلدىردى. ءبىز قونىس تويىن تويلاۋشىلاردىڭ بىرقاتارىمەن اڭگىمەلەسكەن بولاتىنبىز. اقتوبە حروم قوسىندىلارى زاۋىتىنىڭ جۇمىسشىسى انۋاربەك ساپارتىلەۋوۆ ءۇش بولمەلى پاتەرگە قول جەتكىزگەنىن, باعدارلامانىڭ جاستار ءۇشىن وتە ءتيىمدى ەكەنىن ايتتى.
– ءۇش جىل بويى جيعان-تەرگەنىمىزدى «تۇرعىن ءۇي قۇرىلىس جيناق» بانكىنە سالىپ, جينادىق. جولداسىم ەكەۋمىز ساۋدا سالاسىندا ەڭبەك ەتەمىز. ەكى بالامىز بار. بۇگىن ءبىر بولمەلى پاتەردىڭ كىلتىن الىپ, قۋانىپ تۇرمىز, – دەيدى گۇلميرا جۇماعاليەۆا. ال, ەكى بولمەلى پاتەرگە قولى جەتكەن بيبىگۇل كوككوزوۆا 2008 جىلدان بەرى قاراجات جيناعان ەكەن. جولداسى مۇعالىم, وتباسىندا ەكى بالاسى بار. ول دا بۇل باعدارلامانىڭ تيىمدىلىگىن العا تارتا سويلەدى.
جاڭا ۇيلەردىڭ تۇرعىندارىنا قاتىناۋ ىڭعايلى بولۋ ءۇشىن №29 اۆتوبۋستىڭ قوزعالىس باعىتىنا وزگەرىستەر ەنگىزىلگەن كورىنەدى. سونداي-اق, بولاشاقتا شاعىن اۋدانعا قونىستانۋ دەڭگەيىنە قاراي قوعامدىق كولىكتەردىڭ باعىتتارىنىڭ دا سانى ارتا تۇسەدى.
«نۇر اقتوبە» شاعىن اۋدانىندا ءۇستىمىزدەگى جىلى «قولجەتىمدى باسپانا-2020» باعدارلاماسى بويىنشا 752 پاتەرلىك №12, №15 جانە №16 توعىز قاباتتى تۇرعىن ۇيلەر پايدالانۋعا بەرىلەدى دەپ كۇتىلۋدە. قازىر اتالعان باعدارلاما بويىنشا وسى شاعىن اۋداندا 540 پاتەرلىك №23, №24 جانە №25 تۇرعىن ۇيلەر قۇرىلىسى باستالىپ تا كەتتى. بۇل ۇيلەر الداعى جىلى جەلتوقسان ايىندا پايدالانۋعا بەرىلمەك.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.