كوكشەتاۋدا «دامۋ» كاسىپكەرلىكتى قولداۋ قورى» اق باستاماسىمەن اشىلعان جاڭا ورتالىق بيزنەس وكىلدەرىنىڭ بەلسەندى قىزمەتىنە جول اشادى دەگەن پايىم ايتىلۋدا. ويتكەنى, كقو-نىڭ العاشقى جۇمىس كۇنىندە-اق وبلىس اكىمى قوسمان ايتمۇحامەتوۆ اكتسيونەرلىك قوعامنىڭ باسقارما مۇشەلەرىمەن بىرگە «دوڭگەلەك ۇستەل» ءماجىلىسىن وتكىزىپ, جينالعاندارعا كەڭ كولەمدى تۇسىنىك بەردى.
كوكشەتاۋدا «دامۋ» كاسىپكەرلىكتى قولداۋ قورى» اق باستاماسىمەن اشىلعان جاڭا ورتالىق بيزنەس وكىلدەرىنىڭ بەلسەندى قىزمەتىنە جول اشادى دەگەن پايىم ايتىلۋدا. ويتكەنى, كقو-نىڭ العاشقى جۇمىس كۇنىندە-اق وبلىس اكىمى قوسمان ايتمۇحامەتوۆ اكتسيونەرلىك قوعامنىڭ باسقارما مۇشەلەرىمەن بىرگە «دوڭگەلەك ۇستەل» ءماجىلىسىن وتكىزىپ, جينالعاندارعا كەڭ كولەمدى تۇسىنىك بەردى.
– كاسىپكەرلەرگە قىزمەت كورسەتۋ ورتالىعىنىڭ جۇمىسى بۇعان دەيىن جاقسى تاجىريبەسىمەن كوزگە تۇسكەن تۇرعىندارعا قىزمەت كورسەتۋ ورتالىقتارىنىڭ ۇستانىمدارىن دامىتا تۇسپەك, – دەدى سالتاناتتى راسىمگە قاتىسۋشىلاردى قۇتتىقتاعان ءوڭىر باسشىسى ق.ايتمۇحامەتوۆ. – كقو شاعىن جانە ورتا بيزنەس وكىلدەرىنە «ءبىر تەرەزە» جۇيەسىمەن قىزمەت كورسەتە وتىرىپ, ولاردى تولعاندىرعان بارلىق ماسەلەلەردىڭ شەشىلۋىنە مۇمكىندىك جاسايدى. كاسىپكەرلىكتىڭ ساپالىق جانە ساندىق باعامىنا وڭتايلى اسەر ەتەتىن بۇل ورتالىق وبلىسىمىزدىڭ الەۋمەتتىك-ەكونوميكالىق دامۋىنا ەلەۋلى ۇلەس قوساتىنى انىق.
– كەز كەلگەن كاسىپكەر ءبىزدىڭ ورتالىقتىڭ قىزمەتىن ەركىن پايدالانا الادى, – دەدى «دامۋ» اق باسقارما مۇشەسى عابيت لەسبەكوۆ. –جۇمىس ىستەپ تۇرعان بيزنەس وكىلى بىزگە حابارلاسسا, وعان اينالىم قارجىسىن تولىقتىرىپ, جۇمىسىن جانداندىرۋعا مۇمكىندىك بەرەتىن قارجى ينستيتۋتىن ءتيىمدى تاڭداۋىنا كەڭەس بەرەمىز. ال, ءىسىن ەندى باستاۋشىلارعا رۇقسات الۋ جانە تىركەۋ قۇجاتتارىنان باستاپ, قولعا العان جوباسىنىڭ تولىق جۇزەگە اسۋىنا دەيىنگى قىزمەتتەر كەشەنىن ۇسىنا الامىز. باستىسى, بۇرىن سەرۆيستىك كومپانيالاردىڭ شاشىراڭقىلىعى كاسىپكەرلەرگە تياناقتى كەڭەس الۋ ءۇشىن ۋاقىت پەن قارجى شىعىنى تۇرعىسىندا قولايسىزدىقتار تۋدىرسا, ەندى ولار قاجەتتى اقپاراتپەن مۇلدەم تەگىن قامتاماسىز ەتىلەدى.
قولايلىلىق دەمەكشى, ورتالىقتا «اتامەكەن وداعى» زاڭدى تۇلعالار بىرلەستىگىنىڭ, اۋىل شارۋاشىلىعىن قولداۋ قورىنىڭ, تەحنولوگيالىق دامۋ جونىندەگى ۇلتتىق اگەنتتىگىنىڭ, تقو, ەكىنشى دەڭگەيلى بانكتەر وكىلدەرىنىڭ ورنالاسۋى كاسىپكەرلەر قولىن ۇزارتا تۇسەتىنى انىق. ونىڭ ۇستىنە, كقو ماماندارى وبلىستىڭ اۋدان ورتالىقتارىندا ايىنا ەكى رەت جەرگىلىكتى كاسىپكەرلەرمەن كەزدەسىپ, كەڭەس بەرۋدى جوسپارلاپ وتىر.
جاڭا قىزمەت ورتالىعىنىڭ جەدەل ىسكە كىرىسىپ كەتكەنى دە جاعىمدى اسەر قالدىردى. ماسەلەن, كاسىپكەرلىك قىزمەتىن ەندى باستاعان گالينا روماشينا بىلىكتى مامانداردىڭ ءىستى نەدەن باستاۋ قاجەتتىگىن ءتۇسىندىرىپ, بيزنەس-جوسپار دايىنداۋعا, قارجىلاندىرۋدىڭ ءتيىمدى ءتۇرىن تاڭداۋعا كومەكتەسىپ, مەملەكەتتىك قولداۋ تۋرالى دەرەك بەرگەنىنە ريزالىعىن ءبىلدىردى. ال, جەكە كاسىپكەرلىكپەن اينالىساتىن تىلەۋبەك تاسوۆ جەڭىل نەسيەلەر ونىڭ سالاسىنا باعىتتالمايدى دەگەن قاتە تۇسىنىكتە ەكەن. بۇگىن ول دا مەملەكەتىمىزدىڭ نەسيەلىك باعدارلامالارى كوپتارماقتى ەكەندىگى جونىندە تۇسىنىك الۋمەن قاتار, اينالىم قاراجاتىن تولىقتىرۋعا قاجەتتى قۇجاتتار دايىنداۋعا كىرىسكەنىن تىلگە تيەك ەتتى.
باقبەرگەن امالبەك,
«ەگەمەن قازاقستان».
اقمولا وبلىسى.