مەملەكەتتىك قىزمەت مۇراتى – ادىلدىك

جولداۋدىڭ باسىم باعىتتارى ەلى­مىزدىڭ ەكونوميكالىق احۋالىن قالپىنا كەلتىرىپ, حالىقتىڭ əلەۋمەتتىك جاعدايىن ارتتىرۋعا, əدىلەتتى باسقارۋ جۇيەسىن قا­لىپتاستىرۋعا ارنالعان.

حالىقتىڭ الەۋمەتتىك تۇرمىس-تىرشىلىگىن جاقسارتۋ, ولاردىڭ قۇقىقتارىن قورعاۋ, زاڭ ۇستەمدىگىن قامتاماسىز ەتۋ, جەمقورلىققا قارسى كۇرەستى كۇشەيتۋ تۋرالى پرەزيدەنتتىڭ بەرگەن تاپسىرمالارى الداعى ۋاقىتتا ەلىمىزدىڭ جاڭاشا دامۋىنا قارقىن بەرەتىنى انىق.

جولداۋدا ايتىلعان نەگىزگى باعىت­تاردىڭ ءبىرى مەملەكەتتىك باسقارۋدىڭ جاڭا ۇلگىسىن قۇرۋعا قاتىستى  بولىپ وتىر. پاندەميا كەزىندە قاشىقتان جۇ­مىس ىستەۋ مەملەكەتتىك اپپاراتتى وڭتايلاندىرۋعا بولاتىنىن كورسەتىپ بەردى. وسىعان وراي, جولداۋدا مەملەكەت باسشىسى مەملەكەتتىك قىزمەتكەرلەر سانىن قىسقارتۋ ارقىلى مەملەكەتتىك قىزمەت جۇمىسىن جەتىلدىرۋدى تەزدەتىپ قولعا الۋدى تاپسىردى. بيىل مەملەكەتتىك قىزمەتشىلەر سانىن 10 پايىزعا, ال 2021 جىلى 15 پايىزعا قىسقارتۋ جوسپارلانۋدا. مۇنى جۇزەگە اسىرۋدا قىزمەتتەردى تسيفرلاندىرۋدىڭ ءتيىمدى جاقتارى دا قولدانىلادى.

مەملەكەتتىك اپپاراتتى وڭتاي­لان­دىرۋدان ۇنەمدەلگەن قاراجات قالعان مەملەكەتتىك قىزمەتشىلەردىڭ جالاقىسىن كوتەرۋگە باعىتتالادى. وسى تۇستا مەم­لەكەت باسشىسىنىڭ جولداۋداعى «ەڭبەك­اقىسى از مەملەكەتتىك قىزمەتتىڭ قوعام ءۇشىن پايداسىنان زيانى كوپ. بۇل مəسەلەگە جەتە نازار اۋدارماۋ كەرى كەتۋگە, بىلىكتىلىك پەن باستاماشىلدىقتان ايىرىلۋعا, سونداي-اق ەڭ سوراقىسى, جەمقورلىققا əكەپ سوقتىرادى», دەگەن پى­كىرى مەملەكەتتىك قىزمەتشىنىڭ باسە­كەگە قابىلەتتى بولۋى ءۇشىن نارىقتىڭ سۇرا­نىسىنا ساي ەڭبەگىن باعالاۋدىڭ قاجەت ەكەنىن ايقىن كورسەتىپ تۇر. ياعني ەل پرە­زيدەنتى بۇگىنگى كۇن شىندىعىنىڭ تامىرىن ءدوپ باسىپ وتىر. بۇل پىكىرلەردىڭ بار­لىعى ءبىزدىڭ الداعى جۇمىسىمىزدا ەسكە­رىلەتىن بولادى. وسى ورايدا ايتىل­عان مəسەلەلەردى شەشۋ ءۇشىن 2021 جىل­عى 1 شىلدەدەن باستاپ مەملەكەتتىك قىزمەت­شىلەردىڭ جالاقىسى فاكتورلىق-بالدىق شكالا نەگىزىندە تولەنبەك. بۇل مەملەكەتتىك قىزمەتشىلەردىڭ قۇلشىنىسىن ارتتىرىپ, جاۋاپكەرشىلىگىن نىعايتا تۇسەدى دەپ كۇتىلۋدە.

جولداۋدا ايقىن كورسەتىلگەندەي, «حا­لىق ۇنىنە قۇلاق اساتىن مەملەكەت» – شىن مəنىسىندە, «Əدىلەتتى مەملەكەت» قۇرۋعا باعىتتالعان يدەيا. سوندىقتان «مەم­لەكەتتىك قىزمەت قول جەتپەيتىن جا­بىق كاستاعا اينالماۋعا ءتيىس» دەپ پرە­زيدەنت مەملەكەتتىك قىزمەتتى قايتا قۇرۋ قانداي باعىتتا ءجۇرۋ كەرەكتىگىن ناقتى بەلگىلەپ بەردى. بارلىق مەملەكەتتىك ور­گاندار وسى كوزقاراستى بەرىك ۇستانا وتى­­­رىپ, الداعى ۋاقىتتا جۇمىس جاساۋى ءتيىس. Əدىلدىك بولماعان جەردە قوعامدا ۇن­دەستىك بولمايتىنىن, حالىق سەنىمىنە يە بولۋدىڭ مۇمكىن ەمەستىگىن ءتۇسىنۋىمىز قا­جەت. ادامداردىڭ نارازىلىعىن تۋدىراتىن دا وسى əدىلدىكتىڭ ەسكەرىلمەۋى. ولاي بولسا, ازاماتتاردىڭ مəسەلەسىن شەشۋ­دە دۇرىس جəنە ءəدىل شەشىم شىعارۋ مەم­لەكەتتىك قىزمەتشىنىڭ باستى ۇستانىمى بولۋى ماڭىزدى.

 «Əدىلدىك – قوعام دامۋىنىڭ ماڭىزدى شارتى. Əدىلەتتىلىك – əسىرەسە, ەل-جۇرتتىڭ تاعدىرىن شەشۋ ءۇشىن اسا قاجەت قاسيەت», دەپ پرەزيدەنت اتاپ وتكەندەي, ادىلدىككە ۇم­تىلۋ – بارلىق قوعام مۇشەلەرىنە ورتاق قۇندىلىق بولۋى شارت. ءتۇبى ادامدى ادام ەتەتىن باستى سيپاتتاردىڭ ءبىرى وسى – əدىلەت. كەزىندە اباي اتامىز دا ادام­دى ادامشىلىققا جەتكىزەتىن ماحاببات پەن əدىلەت ەكەنىن ايتىپ كەتتى ەمەس پە؟!. جولداۋدا ايتىلعان وزەكتى پىكىر «جا­ۋاپ­تى مەملەكەت – جاۋاپتى قوعام – جاۋاپتى ادام» جۇيەسىن بەرىك ورناتۋ بۇگىنگى كۇنى əدىلەتتى مەملەكەت قۇرۋدىڭ شارتى بولماق.

Əدىلدىكتىڭ جاۋى جالعاندىق. جال­عان­دىق تۋرالى حالقىمىز «قىرقىن مىن­سەڭ دە قىر استىرمايدى...» دەپ ايتىپ كەتكەن عوي. جولداۋدا ايتىلعان ءبىلىمدى بولۋ, ەرىنبەي ەڭبەك ەتۋ, كەز كەلگەن ءىستى كəسىبي داعدى ارقىلى جۇزەگە اسىرۋ, ادالدىق, ۇقىپتىلىق, تياناقتىلىق ادام كاپيتالىن قالىپتاستىرۋداعى باس­تى قۇندىلىقتارىمىز بولۋى كەرەك. وسى قاسيەتتەرگە توقتالا كەلە, مەملەكەت باسشىسى: ء«بəرىمىز ناعىز قازاقتى دəل وسىنداي كەيىپتە كورگىمىز كەلەدى. ءبىز سوندا عانا بəسەكەگە قابىلەتتى مەملەكەت, زياتكەر ۇلت قالىپتاستىرا الامىز», دەپ قوعامعا بوي تۇزەپ, وركەنيەتتى ۇلت بولۋ باعدارىن كورسەتىپ بەردى. Əر مەملەكەتتىك قىزمەتكەر əدىلدىكتى تۋ ەتىپ ۇستانسا, قوعامداعى كەلەڭسىزدىكتەر شەشىلەر كۇن الىس ەمەس. ەڭ باستىسى, əدىلدىك بار جەردە نارازىلىق, تۇسىنبەستىك بولمايتىنى انىق.

دارحان جازىقباەۆ,

مەملەكەتتىك قىزمەت ىستەرى اگەنتتىگى توراعاسىنىڭ ورىنباسارى